Rasijanie zmohuć ujechać va Ukrainu tolki pa bijamietryčnym pašparcie i papiarednie zapoŭniŭšy ankietu na sajcie MZS. Pra miery, jakija ŭ bližejšy čas prymie ŭrad Ukrainy, piša «Kommiersant'» sa spasyłkaj na krynicy ŭ Kijevie.
Surazmoŭca vydańnia, blizki da MZS Ukrainy, raspavioŭ, što ŭ ankiecie rasijanin pavinien budzie paznačyć danyja pra siabie, u tym liku prafiesiju i miesca pracy, a taksama dakładnuju metu pajezdki i nasielenyja punkty, jakija jon płanuje naviedać. Pra svoj pryjezd treba budzie paviedamić za miesiac, za vyklučeńniem ekstrannych vypadkaŭ — chvaroba ci śmierć svajaka. Pa słovach krynicy vydańnia, ankieta pavinna być zapoŭnienaja na ŭkrainskaj albo anhlijskaj movie.
«Hałoŭnaja pryčyna, čamu Kijeŭ nie staŭ uvodzić vizavy režym, — bojaź za ŭkrainskich hramadzian, jakija zastalisia ŭ Krymie», — patłumačyŭ haziecie namieśnik ministra pa pytańniach časova akupavanych terytoryj i ŭnutrana pieramieščanych asob Juryj Hrymčak.
Mienavita hety dovad staŭ vyrašalnym i prymusiŭ źmiakčyć pazicyju prychilnikaŭ Alaksandra Turčynava, jaki vystupaŭ za vizavy režym z Rasijaj. Krynicy vydańnia raspaviadajuć, što rašeńnie ab źmienie režymu ŭjezdu budzie pryniataje nie parłamientam, a ŭradam. «Nie vyklučana, što jašče da 1 vieraśnia», — kaža surazmoŭca «Kommiersanta».
Kamientary