Mienski futbolny klub «Tarpeda», što vystupaje ŭ Pieršaj lizie, pačynaje spraŭlać jubilej, paviedamlaje «Svaboda». Klub užo pavinšavała Biełaruskaja federacyja futbołu.
Adzin z najstarejšych futbolnych klubaŭ Biełarusi byŭ zasnavany ŭ 1947 hodzie, piać raz stanaviŭsia čempijonam BSSR (u hod zasnavańnia i čatyry razy ŭ 1960-ch), try razy zavajoŭvaŭ kubak BSSR. Ad 1992 hodu vystupaŭ u Vyšejšaj lizie Biełarusi, dachodziŭ da 4-ha miesca ŭ čempijanacie i da finału ŭ kubku krainy.
U 2005 hodzie praź finansavyja prablemy klub «Tarpeda» pierajšoŭ u Druhuju lihu, navat pieramoh u joj, ale paśla spyniŭ isnavańnie. Na bazie klubu ŭtvaryŭsia FK «Miensk». Ale ŭ 2007 hodzie «Tarpeda» adradzili fanaty, klub pačaŭ hulać u čempijanacie Miensku (4-y uzrovień biełaruskich lihaŭ). U 2014-m adrodžany klub staŭ prafesijnym i vyjšaŭ u Druhuju lihu, a ŭ 2016-m pačaŭ vystupać u Pieršaj lizie.
Na momant publikacyi, paśla 19 turaŭ «Tarpeda» zajmaje pieršaje miesca ŭ Pieršaj lizie ź 10 pieramohami, 4 ničyimi i 5 parazami. Kali klub zachavaje takija pakaźniki ŭ nastupnych 11 turach, jon vierniecca ŭ Vyšejšuju lihu.
«Tarpeda» nazyvajuć samym biełaruskamoŭnym ź biełaruskich futbolnych klubaŭ, ci nia samaj biełaruskamoŭnaj spartovaj kamandaj krainy. Hety klub adnym ź pieršych naahuł u biełaruskim spartovym žyćci pačaŭ vykarystoŭvać biełaruskuju movu jak u siecivie, tak i pa-za im. Sajt klubu maje jakasnuju asnoŭnuju biełaruskamoŭnuju versiju, a ŭsie sacsietki viaducca vyklučna pa-biełarusku. Fanaty kamandy robiać biełaruskamoŭnyja banery, himn klubu napisaŭ biełaruskamoŭny rep-hurt «Čyrvonym pa biełym».
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami9191
Kamientary