Eks-prezydent ZŠA Barak Abama zajaviŭ u aŭtorak, što rašeńnie prezydenta Trampa ab admienie prahramy, jakaja abaraniała ad departacyi 800 tysiač nielehalnych imihrantaŭ, jakija prybyli ŭ ZŠA dziećmi, «supiarečyć našamu duchu i zdarovamu sensu», paviedamlaje Radyjo Svaboda sa spasyłkaj na «Hołas Ameryki».
«My ŭsie chočam, kab našy miežy byli biaśpiečnymi i abaronienymi, kab ekanomika dynamična raźvivałasia, i tamu zakonapasłuchmianyja hramadzianie mohuć spračacca pra toje, jak refarmavać našu imihracyjnuju systemu, kab usie hulali pavodle adnych praviłaŭ, — havorycca ŭ piśmovaj zajavie byłoha kiraŭnika Biełaha doma. — Ale, prymajučy siońniašniaje rašeńnie, Bieły dom pieraśledavaŭ inšyja mety».
Nahadajem, što 5 vieraśnia hieneralny prakuror Džef Sešns aficyjna abviaściŭ ab admienie prahramy abarony dziaciej nielehalnych imihrantaŭ, jakaja dziejničała na praciahu piaci hadoŭ pad nazvaj «Prahrama adkładzienaha dziejańnia dla dziaciej, jakija prybyli ŭ ZŠA» (DACA).
Pavodle rašeńnia administracyi, na praciahu paŭhoda Kanhres moža razhledzieć lubyja zakanadaŭčyja inicyjatyvy, jakija dazvolać hetym dzieciam i dalej zastavacca ŭ krainie.
Prezydent Barak Abama padpisaŭ ukaz ab ustupleńni ŭ siłu prahramy DACA ŭ červieni 2012 hodu. Niahledziačy na nieadnarazovyja sproby administracyi, kantralavany respublikancami Kanhres niaźmienna admaŭlaŭsia razhledzieć adpaviedny zakonaprajekt, kab nie nadavać «imihracyjnaj amnistyi» siłu zakonu.
Paśla sychodu ź Biełaha doma Barak Abama zajaviŭ, što lubaja sproba admianić DACA prymusić jaho publična vystupić z krytykaj Donalda Trampa i jahonaj administracyi.
U svajoj zajavie eks-prezydent padkreśliŭ, što nia bačyć «nivodnaj jurydyčnaj pryčyny», pa jakoj dzieci nielehalnych imihrantaŭ mahli b być pazbaŭlenyja abarony dziaržavy.
«Jany źjaŭlajucca amerykancami ŭ svaich sercach, svaich dumkach i va ŭsim astatnim, akramia adnaho — dakumentaŭ, — zajaviŭ Barak Abama. — Ich pryvieźli ŭ hetuju krainu baćki… jany nia viedajuć nijakaj inšaj krainy, akramia našaj. Jany mohuć nia viedać nijakaj inšaj movy, akramia anhielskaj. Niama nijakaha tłumačeńnia vysyłcy talenavitych, enerhičnych, patryjatyčna nastrojenych maładych ludziej z krainy tolki za toje, što zrabili ichnyja baćki».
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»99
Kamientary