«Doŭbień!» — Hanna Bond asudziła chłopca, jaki vybieh na pole sa ściaham
Chiba samaj zaŭvažnaj padziejaj učarašniaha dnia staŭ učynak chłopca ź Vilejki Alaksandra Vianhierskaha. Padčas matču hrupavoha etapu Lihi Jeŭropy pamiž BATE i «Arsienałam» jon vybieh na pole ŭ śvitšocie z «Pahoniaj» na hrudziach dy bieł-čyrvona-biełym ściaham.
Alaksandra chutka zatrymała achova, ale jon paśpieŭ trapić u abjektyvy žurnalistaŭ dy zaŭziataraŭ.
Televiadoŭca Hanna Bond choć i prapuściła hety matč lubimaha BATE, adnak nie ŭpuściła mahčymaści prakamientavać učynak chłopca.
«Doŭbień — adnym słovam! Navošta źbivać hulniu na pole, i ŭ čym hieraizm? Škada, jamu nielha vypisać hety štraf, jaki ciapier atrymaje kłub ad UEFA. Sport pa-za palitykaj! A vychodzić, što FC BATE padstaviŭ(( Škada, kaniešnie. Chacia pa fakcie moža i zapłacić. I suma ŭ tysiačach jeŭra», — napisała Hanna ŭ fejsbuku.
Treba skazać, što ŭ krasaviku Hanna sama ŭzdymała bieł-čyrvona-bieły ściah, kali prabiehła 21 kiłamietr na marafonie ŭ Madrydzie. Tady jana kazała: «BČB — hodny ściah z historyjaj. Zrešty, jak i ja. U mianie taksama vialikaja historyja biaskoncaha pieraadoleńnia siabie».
Vyhladaje, što ŭ pazicyi Hanny «sport pa-za palitykaj» usio ž jość vyklučeńni.
A vy padzialajecie pohlad Hanny?
Apytanka
Ciapier čytajuć
Byłoha vajskoŭca z Bresta, jaki viarnuŭsia z Polščy, abvinavacili ŭ «teraryźmie» i adpravili ŭ kałoniju6
Kamientary