Zaŭziatara ź bieł-čyrvona-biełym ściaham na poli asudzili na 10 sutak
Zaŭziatara Alaksandra Vianhierskaha, jaki na matčy BATE z «Arsenałam» 28 vieraśnia vybieh na pole ź bieł-čyrvona-biełym ściaham, asudzili na 10 sutak administracyjnaha aryštu.
Vianhierskaha pryznali vinavatym pavodle dvuch artykułaŭ administracyjnaha kodeksu — drobnaje chulihanstva (prysudziŭšy 7 sutak) i niepadparadkavańnie zakonnamu patrabavańniu słužbovaj asoby (jašče 3 sutak aryštu).
Na pytańnie žurnalistki Radyjo Svaboda, čamu na pasiedžańnie sudu jaho dastavili brudnaha, adkazaŭ:
— U mianie cisk. Drenna było. Vyklikali chutkuju.
Paźniej, adkazvajučy na pytańni sudździ, Vianhierski dadaŭ, što paśla zatrymańnia jaho vyvieli sa stadyjonu, pastavili na kaleni i bili pa nyrkach.
Nastupny śviedka, milicyjant ź miascovaha RAUSu, skazaŭ, što padsudny supraciŭlaŭsia. Vianhierski ŭ adkaz zajaviŭ, što hetaha milicyjanta nie było padčas zatrymańnia. Milicyjant adkazaŭ, što «ŭ formie jon našmat surjoźniej vyhladaje», tamu, maŭlaŭ, Vianhierski jaho i nie paznaŭ.
Na Alaksandra Vianhierskaha składzieny pratakoł za drobnaje chulihanstva, pavodle art. 17.1 KoAP jamu pahražaje štraf ad 2 da 30 bazavych vieličyniaŭ (ad 46 da 690 rubloŭ) abo administracyjny aryšt (da 15 sutak).
Čytajcie taksama: Što viadoma pra chłopca ź Vilejki, jaki vybieh na pole ź bieł-čyrvona-biełym ściaham na matčy BATE — «Arsienał»
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek16
Kamientary