Maestra Kšyštaf Penderecki, vybitny polski kampazitar z suśvietnym imiem, upieršyniu budzie dyryžyravać vialikim kancertam u Minsku, jaki adbudziecca 7 kastryčnika ŭ Biełdziaržfiłarmonii ŭ miežach XII Mižnarodnaha fiestyvalu Juryja Bašmieta.
Na biełaruskaj scenie prahučyć tvor, napisany Kšyštafam Pendereckim da 3000-hodździa Ijerusalima (1997 hod, pa zamovie meryi horada) — aratoryja «Siem bram Ijerusalima», u jakoj kampazitar abjadnaŭ kananičny tekst sa Staroha Zapavietu z muzyčnaj movaj vialikaha avanharda. Śpiecyjalna adlityja dla hetaj simfonii instrumienty pad nazvaj «tubafony» vahoj niekalki ton buduć dastaŭleny z Polščy ŭ Minsk. Pa maštabie hety kancert stanie asablivaj i hrandyjoznaj padziejaj fiestyvalu, u jakim adnačasova buduć udzielničać kala dvuchsot čałaviek i vydatnyja salisty. Na scenie vystupiać Dziaržaŭny akademičny simfaničny arkiestr Respubliki Biełaruś, Dziaržaŭnaja akademičnaja charavaja kapeła imia. R.Šyrmy, Dziaržaŭny kamierny chor Biełarusi, salisty z Polščy - Ivona Chosa (saprana), Karalina Sikora (saprana), Anna Lubańska (mieca-saprana), Piotr Navacki (bas), Adam Zdunikoŭski (tenar), Słavamir Chołand (čytalnik).
Saliravać na kancercie dla fartepijana z arkiestram budzie mastacki kiraŭnik Mižnarodnaha fiestyvalu Juryja Bašmieta Raścisłaŭ Krymier.
Kšyštaf Penderecki — adzin z samych pavažanych kampazitaraŭ sučasnaści, jaki nabyŭ suśvietnuju słavu, vydatny dyryžor i piedahoh. Jon adorany ŭsimi mahčymymi muzyčnymi premijami, uznaharodami, ordenami i zvańniami, śpis jakich zajmaje nie adnu staronku. Maestra — kavaler Ordena Biełaha Arła — najvyšejšaha i najstarejšaha dziaržaŭnaha adznačeńnia ŭ Polščy, hanarovy doktar 24 univiersitetaŭ śvietu ad Jahiełonskaha ŭniviersiteta ŭ Krakavie da Jelskaha ŭniviersiteta (ZŠA), hanarovy siabra najbujniejšych u śviecie mastackich i navukovych akademij i asacyjacyj. Kšyštaf Penderecki źjaŭlajecca čatyrochrazovym łaŭreatam premii Grammy (1988, 1999, 2001, 2017 hh.).
Kancert «LEHIENDY SUČASNAJ KŁASIKI — KŠYŠTAF PENDERECKI»
7 kastryčnika / Biełaruskaja dziaržaŭnaja fiłarmonija, 19:00
U prahramie: K. Penderecki. Simfonija №7 «Sieḿ bram Ijerusalima» dla piaci salistaŭ, čytača, źmiešanaha choru i arkiestra. K. Penderecki. Kancert dla fartepijana z arkiestram
Zakaz kvitkoŭ: (029) 1 463 463, 284-44-33, na sajcie www.ticketpro.by, philharmonic.by
Ciapier čytajuć
«Kali mnie prylacić, ja hatovaja». Nasta Rahatko — pra seks-scenu ŭ svajoj knizie, prarasijskich svajakoŭ, Hajun i Matolku32
Kamientary