Krym uvajšoŭ u skład RF lehitymna, adpaviedna, ni pra jakuju kampiensacyju Ukrainie za paŭvostraŭ nie moža być i havorki. Pra heta zajaviŭ žurnalistam pres-sakratar prezidenta RF Dźmitryj Piaskoŭ, kamientujučy zroblenuju na siesii PARIE prezidentam Čechii Miłašam Zemanam prapanovu, paviedamlaje TASS.
«Ni ŭ faktałahičnym, ni ŭ jurydyčnym płanie ni ab jakoj anieksii [Kryma], viadoma, kazać nielha, heta niapravilna, i, adpaviedna, nie moža iści i havorki ni pra jakuju kampiensacyju», — skazaŭ pres-sakratar. Piaskoŭ nahadaŭ, što rašeńnie ab vychadzie sa składu Ukrainy na fonie «dziaržaŭnaha pieravarotu i raźvićcia ekstremizmu, jaki, na žal, častkova raźvivajecca i da hetaha času», pryniaŭ lehitymny orhan — Viarchoŭnaja rada Kryma; i tolki paśla hetaha ŭžo Maskvoj było pryniataje rašeńnie ab uvachodžańni paŭvostrava ŭ skład RF.
«Tamu sama farmuloŭka pra toje, što padobnyja dziejańni mohuć urehulavać niejkim vykupam, z našaha punktu hledžańnia, nie zusim pravilnaja, dakładniej kažučy — zusim nie pravilnaja», — kanstatavaŭ Piaskoŭ.
Adkazvajučy na pytańnie, nakolki dla Kramla važnaje pryznańnie Kijevam faktu ŭźjadnańnia Kryma z Rasijaj, Piaskoŭ vykazaŭ nadzieju na toje, što «z časam heta pryznańnie nastupić». «Pavinna być prajaŭlenaja pavaha da volevyjaŭleńnia miljonnaha nasielnictva paŭvostrava. I taksama paśla my spadziajomsia na toje, što budzie mahčymaja narmalizacyja rasijska-ŭkrainskich adnosin», — zaznačyŭ pres-sakratar.
Pa słovach Piaskova, havorka ŭ vypadku z vystupam češskaha prezidenta ŭ PARIE idzie ab unutryjeŭrapiejskija dyskusii. «My, viadoma, vielmi pavažajem vielmi aŭtarytetnaha jeŭrapiejskaha palityka Zemana, u jakoha daŭnija dobryja adnosiny z prezidentam Pucinym. My nazirajem za ŭnutryjeŭrapiejskija dyskusijaj, jakaja viadziecca ŭ hetaj suviazi i, u tym liku, źviarnuli ŭvahu na niadaŭniuju zajavu Zemana [pa Krymie]», — skazaŭ pradstaŭnik Kramla.
***
Na telehram-kanał «Našaj Nivy» možna padpisacca tut.
Ciapier čytajuć
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?2
Budučy kredyt pad 1% na novabudoŭli abrastaje padrabiaznaściami. Jak źmienicca rynak nieruchomaści?
I pra realnych bandytaŭ, i pra kryvarukaha Kościu-plitačnika, i pra seks u ciahniku. Žurnalistka z Homiela napisała knihu — čytać jaje strašna i śmiešna1111
Kamientary