Hamialčuk Dźmitryj Ciažkarob apublikavaŭ u fejsbuku hnieŭny dopis pra pracu čarnihaŭskaj patrulnaj słužby — maŭlaŭ, ukrainskija pravaachoŭniki vymahali ŭ jaho chabar.
Biełarus spyniŭsia na svaim aŭto prosta pasiarod prypynku hramadskaha transparta i ŭklučyŭ «avaryjku», bo, jak śćviardžaje, zabłukaŭ. Palicejskija padyjšli da jaho, kab vyśvietlić pryčynu spynieńnia.
«Ja raspavioŭ pra situacyju palicyjskim, ale jany, nie źviartajučy ŭvahu na pryčyny i maleńkaje dzicia, na toje, što patrebna dapamoha, pačali cisnuć, što ja chadziŭ u kijosk, što spyniŭsia pasiaredzinie prypynku, što ja vinavaty, tym samym namiakajučy na chabar, a kali zrazumieli, što ź mianie nie voźmieš hrošaj, prosta vypisali štraf i źjechali, tak i nie akazaŭšy dapamohi», — narakaŭ Dźmitryj Ciažkarob.
Ukrainskaja palicyja adreahavała chutka, apublikavaŭšy videa z rehistratara, zamacavanaha na palicejskim. Jano pakazvaje maksimalna karektnuju pracu pravaachoŭnikaŭ.
«Vy pavinny mnie «dziakuj» skazać, što ja siudy pryjazdžaju štotydzień, kab tracić hrošy i padtrymlivać vašu ekanomiku», — kryŭlajecca biełarus.
Ciapier čytajuć
Baćka sa Słucka paprasiŭ dziaržavu zabrać jaho dziaciej dziela adnaŭleńnia maralnych sił1
Kamientary