Гамяльчук Дзмітрый Цяжкароб апублікаваў у фэйсбуку гнеўны допіс пра працу чарнігаўскай патрульнай службы — маўляў, украінскія праваахоўнікі вымагалі ў яго хабар.
Беларус спыніўся на сваім аўто проста пасярод прыпынку грамадскага транспарта і ўключыў «аварыйку», бо, як сцвярджае, заблукаў. Паліцэйскія падыйшлі да яго, каб высветліць прычыну спынення.
«Я распавёў пра сітуацыю паліцыйскім, але яны, не звяртаючы ўвагу на прычыны і маленькае дзіця, на тое, што патрэбна дапамога, пачалі ціснуць, што я хадзіў у кіёск, што спыніўся пасярэдзіне прыпынку, што я вінаваты, тым самым намякаючы на хабар, а калі зразумелі, што з мяне не возьмеш грошай, проста выпісалі штраф і з'ехалі, так і не аказаўшы дапамогі», — наракаў Дзмітрый Цяжкароб.
Украінская паліцыя адрэагавала хутка, апублікаваўшы відэа з рэгістратара, замацаванага на паліцэйскім. Яно паказвае максімальна карэктную працу праваахоўнікаў.
«Вы павінны мне «дзякуй» сказаць, што я сюды прыязджаю штотыдзень, каб траціць грошы і падтрымліваць вашу эканоміку», — крыўляецца беларус.
Цяпер чытаюць
Зяленскі: Рэтранслятары на мяжы Беларусі прыпынілі працу74
Каментары