AAN: u Biełarusi na kožnyja 1000 dziaciej u vieku da piaci hod pamiraje 13
Heta lepš, čym u Rasiei, ale horš čym u krainach Bałtyi, Izraili, Kubie, ZŠA, Barbadosie, Amanie.
Pryčym źnižeńnie zafiksavana va ŭsich biez vyniatku rehijonach śvietu.
U krainach Centralnaj i Uschodniaj Eŭropy ŭzrovień dziciačaj śmiarotnaści ŭdałosia skaracić na 50% u paraŭnańni z 1990 h. U krainach Centralnaj, Uschodniaj Eŭropy i krainach SND pamirajuć 26 dzietak z 1000 (55 v 1990 hodu). U krainach Azijajka‑Cichaakijanskaha rehijonu — 28, u Łacinskaj Amerycy ‑‑ 27, na Blizkim Uschodzie — 46.
U «biednych» dziaržavach sytuacyja kardynalna inšaja:
admoŭny rekord ustalavany ŭ Sjera‑Leone, dzie da piaci hod nie dažyvaje 270 dzietak z 1000!
U piaciorku takich krain uvachodziać Anhoła (260), Aŭhanistan (257), Nihier (253) i Liberyja (235 vypadkaŭ).
Najlepšaja sytuacyja ŭ Švecyi, Sinhapury, San‑Maryna, Lichtenštejnie, Iślandyi i Andory, dzie na tysiaču dziaciej prychodziacca try śmiarotnyja vypadki.
Pa čatyry vypadki ŭ 14 krain: Hišpanija, Słavienija, Narviehija, Manaka, Luksemburh, Japonija, Italija, Hrecyja, Niamieččyna, Francyja, Finlandyja, Čechija, Kipr, Belhija.
Pa piać vypadkaŭ diciačaj śmiarotnaści zafiksavana ŭ Švajcaryi, Partuhalii, Niderlandach, Aŭstryi, Danii. Irlandyi, Paŭdniovaj Karei, Izraili.
Pa šeść vypadkaŭ -- u Vialikabrytanii, Novaj Zelandyi, Malcie, Charvatyi, Aŭstralii, Kanadzie.
Pa siem vypadkaŭ -- u Polščy, Estonii, Vuhorščynie, na Kubie.
U ZŠA -- 8 vypadkaŭ.
Što da krain byłoha SSSR. Najlepšaje stanovišča ŭ Bałtyjskich dziaržaŭ: u zhadanaj vyšej Estonii (7 vypadkaŭ na 1000), Litvie (8), Łatvii — 9.
Dalej idzie Biełaruś. U nas 13 vypadkaŭ śmierci na 1000 čałaviek, stolki ž jak na Sejšełach i na Šry-Łancy.
Lepšaje stanovišča navat na Barbadosie, Kosta-Rycy, Amanie, Małajzii. Tut zafiksavana na 12 vypadkaŭ dziciačaj śmiarotnaści.
U Rasiei — 18, Małdovie — 19, Armienii i Ukrainie — pa 24, Kazachstanie — 29, Hruzii — 32, Kirhizii — 41, Uźbiekistan ‑‑ 43, Turkmienistan — 51, Tadžykistan — 68, Azierbajdžan ‑‑ 88.
Kamientary