Ukraina nie atrymała pravavoj dapamohi ad Biełarusi ŭ spravie «biełaruskaha špijona». Jon zastaniecca pad aryštam da 18 studzienia, paviedamlaje Radyjo Svaboda.
Rasśledavańnie spravy hramadzianina Biełarusi, zatrymanaha ŭ červieni ŭ Čarnihavie pavodle padazreńnia ŭ zbory sakretnaj infarmacyi na karyść Rasii, padoŭžana da 20 studzienia nastupnaha hoda, a jaho znachodžańnie pad vartaj — da 18 studzienia.
Zaviaršyć dasudovaje rasśledavańnie spravy nie dazvalaje adsutnaść vynikaŭ pryznačanych sudovych ekśpiertyz, a taksama vykanańnia kampietentnymi orhanami Biełarusi daručeńnia ab mižnarodnaj pravavoj dapamozie. Z sudovaha rašeńnia vynikaje, što tolki paśla hetych pracesualnych dziejańniaŭ śledstva moža pradastavić padazravanamu dy jahonamu abaroncu materyjały kryminalnaj spravy dla aznajamleńnia.
Raniej ukrainskija ekśpierty vykazvali mierkavańni, što sprava zatrymanaha ŭ Biełarusi ŭkrainskaha žurnalista Paŭła Šarojki jość adkazam mienavita na zatrymańnie biełaruskaha hramadzianina ŭ Čarnihavie.
U kastryčniku stała viadoma, što Ukraina źviarnułasia da kampietentnych orhanaŭ Biełarusi pa pravavuju dapamohu ŭ hetaj spravie.
Ciapier čytajuć
«Ja bolš nie anarchist». Mikoła Dziadok — pra turmu, Boha i rasčaravańnie ŭ ideałohijach6
Kamientary