Łukašenka nazvaŭ ukrainskuju raźviedku choć zamiežnaj, ale nie zusim čužoj
Alaksandr Łukašenka ŭ razmovie z žurnalistami padčas rabočaj pajezdki ŭ Homielskuju vobłaść prakamientavaŭ situacyju z ukrainskimi špijonami.
Alaksandr Łukašenka raskazaŭ, što špijonskaja sprava abmiarkoŭvałasia na jaho sustrečy z prezidentam Ukrainy Piatrom Parašenkam, jakaja adbyłasia ŭ Abjadnanych Arabskich Emiratach u pačatku listapada.
«Jon (Parašenka) mnie zadaŭ hetaje pytańnie. I ja jamu adkazaŭ faktami.
Ja jamu pryznaŭsia, što ź pieršaha da apošniaha dnia apieracyi pa niejtralizacyi špijonskaj sietki byŭ u kursie. Takaja praktyka — staršynia KDB mnie dałažyŭ adrazu», — paviedamiŭ Łukašenka.
Kiraŭnik dziaržavy paviedamiŭ, što na sustrečy ź Piatrom Parašenkam ŭ AAE była dasiahnutaja damoŭlenaść nie nadavać spravie chodu, ale ŭkrainski bok jaje parušyŭ.
«Jany padniali hvałt, usio było vypluchnuta ŭ ŚMI. Što mnie zastavałasia rabić? Ja admianiŭ svajo rašeńnie i skazaŭ vykłaści siakija-takija fakty ŭ ŚMI, kab ludzi razumieli, što my nie nahniatali abstanoŭku ŭ adnosinach z Ukrainaj. I my pakazali. Hety čałaviek pryznaŭsia, dzie pracavaŭ, jak pracavaŭ. Kuča materyjałaŭ dadatkova jość. Nie viedaju, navošta patrebien byŭ hety skandał. Ale jany parušyli našu damoŭlenaść», — padkreśliŭ kiraŭnik krainy.
Pry hetym jon adznačyŭ, što nijakaha maskoŭskaha śledu ŭ hetaj spravie šukać nie varta, bo jaho tam niama.
U dačynieńni da asob, jakija majuć dačynieńnie da hetaj spravy, u Biełarusi dziejničajuć vyklučna ŭ adpaviednaści z zakanadaŭstvam, kanstatavaŭ kiraŭnik dziaržavy. «Ja hetaha pałkoŭnika pa zvańni, jaki prosta pracavaŭ pad prykryćciom žurnalista, razumieju. Mnohija dziaržavy tak siabie viaduć — pad prykryćciom žurnalistaŭ, dypłamataŭ pracujuć raźviedčyki. Ja ŭžo z hetym sutykaŭsia šmat razoŭ.
Ale jak zrazumieć biełarusa, jaki za kapiejki pracavaŭ na zamiežnuju, chaj navat i nie zusim čužuju, raźviedku?» — aburyŭsia Alaksandr Łukašenka.
-
Biełaruskija pamiežniki navučyli simpatyčnuju rasijanku pravilna nazyvać našu krainu. A taja mocna pakryŭdziłasia
-
Andrej Chadanovič zaprašaje na anłajn-kurs pra biełaruskuju paeziju ŭ kantekście suśvietnaj kultury
-
Śvisłackaja rajonka pasprabavała prapijaryć kiraŭnika rajvykankama — atrymałasia jak zaŭsiody
Kamientary