11 śniežnia ŭ race Ščara pamiž vioskami Dvarok i Makary Mastoŭskaha rajona byŭ znojdzieny traktar «T-40» z pryčepam. Traktar naležyŭ žycharu vioski Kuryłavičy, piša sk.gov.by.
Vyśvietliłasia, što napiaredadni ŭłaśnik pieradaŭ traktar u časovaje karystańnie 57-hadovamu žycharu vioski Makary. Žychary bačyli, jak hety mužčyna vyjazdžaŭ ź vioski Dvarok.
Pa śladach šyn kołaŭ byŭ adnoŭleny maršrut ruchu da miesca vyjaŭleńnia ŭ race.
Ahlad miesca zdareńnia byŭ praciahnuty na nastupny dzień. Rabotniki Mastoŭskaj vyratavalnaj stancyi znajšli ŭ race patanułaha mužčynu, a praź niejki čas u bałocistaj miascovaści niedaloka ad vioski Makary 52-hadovaha adnaviaskoŭca.
Pravierku pa hetym fakcie pravodzić Mastoŭski rajonny adździeł Śledčaha kamiteta. U metach vyśviatleńnia abstavin zdareńnia apytvajucca žychary bližejšych viosak, adnaŭlajucca padziei apošnich dzion zahinułaha i jaho znajomaha.
Ciapier čytajuć
Ceny na paliva pavyšajucca na 4 kapiejki, a praz tydzień jašče na try1
Kamientary