Chedłajnieram dyskusii BRSM pra patryjatyzm staŭ rasijski prapahandyst z kanała «Źviezda»
Biełaruski respublikanski sajuz moładzi pravodzić šerah mierapryjemstvaŭ, siarod jakich i «Adkryty dyjałoh». Tudy arhanizatary zaprašajuć roznych haściej, jakija razvažajuć na zadadzienuju temu.
«Naša Niva» ŭžo rabiła repartažy z takich «dyjałohaŭ».
18 śniežnia temaj sustrečy staŭ «Patryjatyzm jak fiłasofija žyćcia».
Admietny śpis haściej: tak, hałoŭnym zaprošanym śpikieram staŭ rasijski prapahandyst Alaksiej Samalotaŭ. Jaho pradstaŭlali jak žurnalista i režysiora.
U 1990-ja hety čałaviek zasłužyŭ pavahu hodnymi pavodzinami padčas zachopu rasijskaj balnicy ŭ Budzionaŭsku — tady jon prapanoŭvaŭ abmianiać siabie na zakładnikaŭ.
Ale z pačatkam ahresiŭnaj impierskaj palityki Rasii Samalotaŭ staŭ šarahovym prapahandystam, pajšoŭšy pracavać na adyjozny vajskovy telekanał «Źviazda».
U pryvatnaści, Samalotaŭ rabiŭ siužety, u jakich adbielvaŭ bajevikoŭ, jakija źbili hałandski «Boinh» nad Danbasam. Nasupierak jaho «vysnovam» mižnarodnaje rasśledavańnie vyjaviła, što nasamreč vina na prarasijskich bajevikach.
Samalotava, darečy, nie puskajuć navat u Małdovu — minuły raz jaho zatrymali ŭ aeraporcie Kišyniova i adpravili nazad u Rasiju. Tudy jon mieŭsia prylacieć pa zaprašeńni zahadkavaha «mižnarodnaha miedyjakłuba Farmat A3», jaki ładzić sustrečy z takimi asobami, jak, naprykład, Kisialoŭ. Hety ž samy «Farmat A3» zaprasiŭ Samalotava i ŭ Minsk, dzie jon staŭ śpikieram mierapryjemstva BRSM.
U Biełarusi pradstaŭnikom hetaha miedyjakłuba značycca supracoŭnica haziety «7 dniej» i vykładčyca Instytuta žurnalistyki BDU Alena Jełavik.
Mienavita jana pazaletaś była viadučaj padčas sustrečy z adnym z hałoŭnych ideołahaŭ kancepcyi «ruskaha śvietu» Mikałajem Starykavym.
U BRSM nie zdoleli patłumačyć, čyjoj idejaj było zaprasić na vystup pra patryjatyzm rasijskaha prapahandysta.
-
Akunin raskazaŭ, što nieabchodna, kab vyžyć, kali ty zastaŭsia ŭ kiepskaj krainie
-
64‑hadovaha vice-čempijona pa aŭtasporcie kinuli ŭ kałoniju za palityku. Aryštavali paśla viartańnia z-za miažy
-
Cichanoŭskaja da 15‑j hadaviny trahiedyi ŭ minskim mietro: Siońnia — dzień pamiaci i bolu, jaki žyvie ŭ našych sercach užo 15 hadoŭ
Ciapier čytajuć
Pastupova vyjšli na volu aryštavanyja pa «Spravie kniharoŭ». Akramia adnaho5
Pastupova vyjšli na volu aryštavanyja pa «Spravie kniharoŭ». Akramia adnaho
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary