16 lutaha «Vopli Vidaplasava» zaprašajuć minčukoŭ u kazačnaje muzyčnaje padarožža, pryśviečanaje 20-hodździu samaj značnaj płaścinki ŭ historyi ŭkrainskaj rok-muzyki — alboma «Muzika»!
Nievierahodnaje fantastyčnaje nastalhična-futurystyčnaje šou ŭ dvuch adździaleńniach «XX Rockiv albomu «Muzika» projdzie ŭ kancertnaj zale «Prajm Choł».
Jašče ŭ časy Savieckaha Sajuza hrupa «Vopli Vidaplasava» adkryła dla šyrokich mas ukrainskuju rok-muzyku. Spačatku lidar hurta Aleh Skrypka vykarystoŭvaŭ suržyk — ukrainska-rasiejskuju trasianku — ale z časam rabiŭsia ŭsio bolš i bolš ukrainamoŭnym.
Pačatak tvorčaści VV — heta taki sabie moładzievy ściob, pośpiech jakoha byŭ mienavita ŭ ekzatyčnym hučańni ŭkrainskich słoŭ. I pieršym chitom «Voplaŭ Vidaplasava» stali «Tanci».
Ale pastupova ściob zamianiaŭsia lirykaj i falkłoram. Cikava, što svaju samuju jarkuju pryhožuju i samuju ŭkrainskuju pieśniu Skrypka napisaŭ, kali žyŭ u Francyi.
U siaredzinie 1990-ch hrupa faktyčna raspałasia, a žanatyja z francuzskimi dziaŭčatami Skrypka i basist Pipa pačali sumavać pa Radzimie. Tak i naradziłasia pieśnia «Viesna».
Jak uspaminaje sam Aleh Skrypka: «U VV była pieršaja chvala — małady hurt. Enierhija praz kraj… Druhaja chvala — pieśnia «Viesna». Napisanaja šmat paźniej, užo ŭ Paryžy. Mnie było pa-dobramu sumna — va Ukrainie jašče nie było čaho rabić, u Paryžy ŭžo niecikava…»
Albom «Muzika», jaki adkryvaŭsia pieśniaj «Viesna», byŭ stvorany ŭ 1996 hodzie ŭ Kijevie i Paryžy i vydadzieny ŭviesnu 1997 hoda adnačasova va Ukrainie, Rasii, Kazachstanie i krainach Bałtyi. Vychad kružełki histaryčna supaŭ z zaviaršeńniem «francuzskaha pieryjadu» ŭ bijahrafii «VV» i kančatkovym viartańniem lehiendarnaj hrupy na radzimu.
Źjaŭleńnie alboma vyklikała hłabalny kulturny vybuch na ŭsioj prastory SND, paznačyŭšy novy adlik času ŭ postsavieckaj muzycy. I hetuju padzieju «Vopli Vidaplasava» zaprašajuć hrandyjozna adznačyć u «Prajm Chole» 16 lutaha.
Kvitki ŭžo možna kupić anłajn.
I tut dla haściej jość siurpryzy!
Uładalniki dziesiaci VIP-biletaŭ atrymajuć u padarunak limitavanaje jubilejnaje pieravydańnie kružełki «Muzika» na ekskluziŭnym kalarovym vinile, a pieršyja 50 fanataŭ, jakija nabuduć kvitki, stanuć uładalnikami kampakt-dyska z albomam-jubilaram.
Viasna pryjdzie! Sustrakajem jaje razam z «VV».
-
U lidara hurta a-ha Mortena Charkieta dyjahnastavali chvarobu Parkinsana
-
Hanna Bond krytykuje, deputatka Mirončyk-Ivanova śpiavaje pra «krošku»: u Minsku z anšłaham prajšoŭ kancert «Ruki vvierch»
-
Kab źniać prapahandyscki klip, prydvorny kampazitar Alejnik vyciahnuŭ litaralna z-pad kropielnicy 86-hadovuju babulu
Ciapier čytajuć
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha82
Kamientary