Łukašenka Stubu: Što ž Eŭropa pastaviła zadačy z punktu hledžańnia apazycyi?
Na sustrečy ź dziejnym staršyniom ABSE A. Stubam A. Łukašenka zajaviŭ, što hatovy z Eŭraźviazam «na lubyja adnosiny».
Na sustrečy ź dziejnym staršyniom ABSE A. Stubam A. Łukašenka zajaviŭ, što hatovy z Eŭraźviazam «na lubyja adnosiny». Adnak pry hetym jon paprasiŭ: «Nie patrabujcie ad nas taho, što my siońnia nia možam zrabić».
Pavodle A. Łukašenki, «biada Eŭropy ŭ tym, što jana pastaviła pierad saboj zadačy adnosna Biełarusi, sfarmavaŭšy ich z adnaho punktu hledžańnia, ad tak zvanaj apazycyi».
«My całkam adekvatnyja ludzi i hatovyja vučycca tam, dzie možam navučycca. Kali Eŭraźviaz choča, kab centar Eŭropy byŭ u Eŭropie, to treba zdymać usialakija zasłony», — zajaviŭ A. Łukašenka.
Taksama A. Łukašenka zajaviŭ, što im pastaŭlena pierad uradam zadača pašyrać kantakty ź Finlandyjaj pa budaŭnictvie atamnaj elektrastancyi.
Spadar Stub zajaviŭ pra mahčymaść narmalizacyi stasunkaŭ i pašyreńnia dyjalohu pamiž Eŭropaj i Biełaruśsiu.
«Čas pieraharnuć staronku ŭ dačynieńniach Biełarusi i Eŭropy», — zajaviŭ A. Stub. — «My adčuvajem, što paśla kryzisu ŭ Hruzii balans pieramiaściŭsia na Ŭschod».
«Unutry Eŭraźviazu pravilnyja nastroi, što Biełaruś ruchajecca ŭ pravilnym kirunku. Heta asnoŭny padychod, jaki ja pryvioz u Biełaruś. Vybary — heta adčuvalnaje pytańnie. Nichto nia moža adkinuć toje, što byli pazytyŭnyja zruchi ŭ 2008 hodzie paraŭnalna z 2000 i 2004 hadami», — zajaviŭ A. Stub.
«Za skazanaje vami my hatovy prahałasavać, kab vy byli pažyćciovym staršyniom ABSE. Vy pieršy zachodni palityk, jaki adkryta, abjektyŭna, publična skazaŭ pra Biełaruś. Kali Eŭropa zrobić dva kroki, to Biełaruś zrobić piać krokaŭ», — zajaviŭ A. Łukašenka.
Kamientary