Pavodle eks‑prezydenta, sytuacyja ŭ Biełarusi nahadvaje 1985 hod u Polščy
Biełaruskaj apazicyi patrebny rašučy lider, struktury i salidarnaść. Takoje mierkavańnie ŭ intervju BiełaPAN vykazaŭ były prezident Polščy Lech Vałensa.
«Biełarusam patrebnyja surjoznyja pieramieny.
Da svabodnych vybaraŭ lažyć doŭhi šlach», — ličyć Ł.Vałensa.
Pavodle jaho słoŭ, situacyja ŭ Biełarusi padobnaja da stanovišča ŭ Polščy ŭ 1985 hodzie. «Ale my čakajem hetuju krainu — Jeŭropie patrebna svabodnaja i demakratyčnaja Biełaruś», — zajaviŭ polski palityk.
Na dumku Ł.Valensy,
iści treba nie pa šlachu siły, ale praz «štodzionnuju ciažkuju pracu i ŭzajemadziejańnie».U svoj čas prafsajuz «Salidarnaść», jaki jon uznačalvaŭ, «sprabavaŭ pryciahnuć novych asob, ludziej ź liderskimi jakaściami». «Tolki paśla takoj niaŭdziačnaj raboty, pošuku kampramisaŭ my zmahli paśpiachova pavieści Polšču i inšyja krainy Uschodniaj Jeŭropy da svabody mirnym šlacham. Ciapier jašče zastalisia krainy, jakija čakajuć mahčymaści paŭtaryć hety pośpiech», — skazaŭ eks‑prezident.
Kamientujučy adnosiny Biełarusi z krainami Zachadu i Rasijaj, polski palityk zaznačyŭ, što «padziei ŭ Hruzii mohuć stać važnym sihnałam».
«Prezident Łukašenka pačynaje pakrysie razumieć, što Biełaruś nie vyžyvie ŭ izalacyi. Śviet siońnia inšy, i palityka Łukašenki viadzie krainu i jaho samoha da pravału.U sučasnym śviecie adnaho, niachaj navat značnaha sajuźnika, niedastatkova», — upeŭnieny Ł.Vałensa.
Z druhoha boku, polski palityk vykazaŭ sumnieńnie, «ci nie zanadta paśpiešna ES idzie na zbližeńnie ź Biełaruśsiu». «My dahetul nie viedajem, ci razumieje prezident Łukašenka, što jaho palityka nie budzie paśpiachovaj i vynikovaj biez demakratyi i svabody. Tamu što tak zvany treci varyjant raźvićcia, kirujemaja demakratyja, ničoha nie źmienić», — zajaviŭ były prezident Polščy.
Ciapier čytajuć
«Nadzieja Ściapanaŭna». Mikita Najdzionaŭ apublikavaŭ paemu, jakaja naradziłasia ŭ Žodzinskaj turmie. Takoha paetyčnaha epasu ŭ biełaruskaj paezii XXI stahodździa jašče nie było66
Kamientary