Viečaram 9 sakavika ŭ kvatery pa vulicy Daŭhabrodskaj u Minsku z rezanaj ranaj šyi byŭ znojdzieny i špitalizavany 43-hadovy mužčyna. Nočču ad atrymanych paškodžańniaŭ jon pamior u balnicy.
Milicyju i miedykaŭ vyklikała jaho siastra — jon paśpieŭ patelefanavać joj i paprasić ab dapamozie. Milicyja vyznačyła, što da złačynstva maje dačynieńnie 37-hadovy minčanin, jakoha zabity nie viedaŭ.
«Apieratyŭniki vyśvietlili, što 8 sakavika 43-hadovy mužčyna adpačyvaŭ u kampanii razam z žonkaj i znajomaj minčuka i nibyta rezka vykazvaŭsia na ich adras, pavodziŭ siabie nieprystojna. Muž pra heta daviedaŭsia i vyrašyŭ pakarać kryŭdziciela, — raspaviali ŭ milicyi. — Dziakujučy dapamozie svaich znajomych jon vyśvietliŭ adras mužčyny, pryjšoŭ da jaho dadomu — vynikam vizitu stała zabojstva».
Padazravanaha zatrymali. Jon byŭ raniej nieadnarazova sudzimy — za rabavańnie, chulihanstva i ŭchileńnie ad adbyćcia pakarańnia.
Kamientary