50-hadovaja Temi Dekuort, jakaja straciła abiedźvie nahi na vajnie ŭ Iraku, stała pieršym amierykanskim sienataram, jakaja naradziła dzicia.
U 2012 hodzie Dekuort stała pieršaj žančynaj-invalidam, abranaj u Sienat. Ciapier jana jašče i adna ź dziesiaci žančyn u historyi ZŠA, jakija naradzili dziaciej, zajmajučy vybarnuju pasadu.
Dziaŭčynku nazvali Mejł Perli Boŭłśbi, u honar babuli Dekuort, jakaja pracavała miedsiastroj padčas Druhoj suśvietnaj vajny.
Mejł — druhaja dačka Dekuort. Dzicia naradziłasia ŭ špitali ŭ pryharadzie Vašynhtona.
«Baćkoŭstva tyčycca nie tolki žančyn. Heta pytańnie ekanomiki, jakoje tyčycca ŭsich baćkoŭ — žančyn i mužčyn — adnolkava», — zajaviła sienatar z nahody naradžeńnia dački.
«Jak by ni było składana nieści ciažar maciarynstva, ja — nie adzinaja ŭ śviecie maci, što pracuje, a maje dzieci natchniajuć mianie na toje, kab pracavać bolš i abaraniać intaresy pracujučych siemjaŭ», — dadała Dekuort.
U sakaviku sienatary z abiedźviuch partyj adznačyli budučaje naradžeńnie dziciaci Dekuort u budynku Kapitolija.
Sama Dekuort u intervju haziecie Chicago Sun-Times pryznałasia, što zaciažaryć druhi raz joj udałosia ź ciažkaściu paśla niekalkich cykłaŭ štučnaha apładnieńnia i vykidyšu.
Pieršaje dzicia Dekuort — Abihiejł — naradziłasia ŭ 2014 hodzie.
Dekuort, akramia ŭsiaho inšaha, pieršaja amierykanka z azijackimi karaniami, jakaja stała členam Kanhresu.
U 2018 hodzie jana stała aŭtaram niekalkich zakonaprajektaŭ, nakiravanych na toje, kab palehčyć žyćcio maładym maci. U pryvatnaści, jana prapanavała stvaryć va ŭsich aeraportach pakoi maci i dziciaci.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim16
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3535
Kamientary