U Minsku łabaratorna paćvierdžany adzin vypadak adru ŭ dziciaci, paviedamlaje BiełTA.
Dzicia nie było pryščeplena suprać adru, tamu što jaho baćki admovilisia ad vakcynacyi.
Vyśvietlena, što zaražeńnie adbyłosia za miežami krainy padčas turystyčnaj pajezdki ŭ Jehipiet i Ukrainu.
U Jeŭropie praciahvajecca ŭspyška adru. Na 16 krasavika zarehistravana bolš za 15 tysiač vypadkaŭ zachvorvańnia. Ab najbolšaj kolkaści vypadkaŭ adru paviedamlajecca ŭ Sierbii, Hrecyi, Rumynii, Francyi i Italii. Adzin z samych bujnych vybuchaŭ adru praciahvajecca va Ukrainie.
Bolš za 80% chvorych nie byli raniej pryščepleny suprać adru, što abumoviła raspaŭsiudžvańnie infiekcyi ŭ jeŭrapiejskim rehijonie. Asnoŭnaj pryčynaj nizkaha ŭzroŭniu vakcynacyi suprać adru ŭ asobnych krainach Jeŭropy staŭ rost kolkaści admoŭ ad pryščepak, jaki pačaŭsia z 2010 hoda.
Kamientary