U ŽKH raspaviali, na kolki vyrastuć žyroŭki darmajedaŭ i jak ź ich buduć spahaniać poŭnuju apłatu

U ŽKH raspaviali, na kolki vyrastuć žyroŭki niezaniatych u ekanomicy, jak ź ich buduć spahaniać poŭnuju apłatu i čamu nie ŭsie ŭtrymancy buduć raźličvacca za ŽKP pa ekanamična abhruntavanym taryfie.

Spahaniać poŭnuju apłatu za ŽKP, jak patłumačyła načalnik adździeła ŭpraŭleńnia ekanomiki Ministerstva žyllova-kamunalnaj haspadarki Žanna Papučejeva, buduć ź niezaniatych u ekanomicy, jakija źjaŭlajucca ŭłaśnikami žylla. Kali va ŭtrymanca niama va ŭłasnaści nieruchomaści, to i spahaniać kamunałku pa poŭnych taryfach ź jaho nie buduć.

Śpiecyjalist ŽKH na prykładzie typavoj dvuchpakajovaj kvatery 48 kvadratnych mietraŭ, dzie prapisanyja 3 čałavieki, pryvodzić raźliki pa kožnaj z žyllova-kamunalnych pasłuh, za jakija buduć pa poŭnych taryfach raźličvacca niezaniatyja ŭ ekanomicy.

Tak, kali ŭłaśnikam hetaj dvuchpakajoŭki źjaŭlajecca darmajed, to jon apłačvaje pa ekanamična abhruntavanych taryfach treć za aciapleńnie, padahreŭ vady i hazazabieśpiačeńnie. Astatnija dźvie traciny kamunałki za zarehistravanych niedarmajedaŭ u kvatery buduć apłačvać pa subsidavanych taryfach.

U takim vypadku płaciož za haračuju vadu, kali nie buduć pieravyšanyja limity, dla hetaj kvatery vyraście na 5-6 rubloŭ, padličyli ŭ ŽKH. Važny momant: kali zarehistravany ŭ hetaj kvatery darmajed nie źjaŭlajecca ŭłaśnikam žylla, to jon budzie apłačvać ŽKP pa subsidavanych taryfach.

Za aciapleńnie płaciažy dla hetaj kvatery vyrastuć bolš adčuvalna - na 15 rubloŭ, kali adzin z troch zarehistravanych trapiŭ u lik hultajoŭ. Svaju častku za aciapleńnie jon apłacić pa poŭnych taryfach, a astatnija žychary - pa lhotnych. Ale znoŭ ža pryncypovy momant - darmajed pavinien być ułaśnikam žylla. Kali jon zarehistravany, ale žyllo nie jaho, to ŭsio ŭ hetaj kvatery buduć płacić pa subsidavanych taryfach.

Kali ž u dvušcy na 48 kvadrataŭ budzie pražyvać tolki adzin darmajed, jaki adnačasova źjaŭlajecca ŭłaśnikam žylla, to płaciož za aciapleńnie vyraście prykładna na 60 rubloŭ, paličyli ŭ ŽKH.

Za hazazabieśpiačeńnie ŭ hetaj ža kvatery, u jakoj ustanoŭleny prybory indyvidualnaha ŭliku raschodu hazu i zarehistravana 3 čałavieki i ŭłaśnik - darmajed, pry spažyvańni ŭ 150 kubičnych mietraŭ hazu płaciažy vyrastuć na 15-16 rubloŭ. Kali ž u kvatery prapisany tolki adzin ułaśnik-darmajed, to jon zapłacić na 40 rubloŭ bolš pry takim ža spažyvańni hazu.

• 0
• 0
• 0
• 0
• 0
• 0
• 0
• 0