26 kastryčnika, niadziela. Haroškaŭ, Rečyckaha rajonu. A 12-j.
26 kastryčnika ŭ miežach kampanii «Budźma» ŭ vioscy Haroškaŭ, što niepadalok ad Rečycy, adbudziecca śviata paezii ŭ honar Anatola Sysa.
U śviacie biaruć udzieł rodnyja i ziemlaki Anatola, jahonyja siabry, a taksama viadomyja biełaruskija paety, bardy i mastaki, u tym liku: Siarhiej Zakońnikaŭ, Vasil Žukovič, Leanid Drańko‑Majsiuk, Aleś Paškievič, Eduard Akulin, Aleś Bialacki, Siaržuk Sys, Halina Dubianieckaja, Michaś Skobła, Andrej Chadanovič, Pavał Źmitruk, Łarysa Ramanava, Aksana Danilčyk, Andrej Mielnikaŭ, Valžyna Ciareščanka, Kastuś Hieraščanka, Aleś Puškin, Hienik Łojka, Vadzim Bołbas, Hienadź Łapacin dy inš.
Łaskava zaprašajem usich, kamu na spravie, a nie na słovach darahi nieśmiarotny Duch ajčynnaj paezii, chto lubić i pamiataje tvorčaść Anatola Sysa — adnaho z najvybitniejšych biełaruskich paetaŭ XX stahodździa.
Pačatak śviata a 12—aj hadzinie na Haroškaŭskich mohiłkach, dzie adbudziecca adkryćcio nadmahilnaha pomnika paetu. A 13‑j — pačnucca paetyčnyja čytańni i bardaŭski kancert na padvorku rodnaj chaty Anatola Sysa.
Ušanujma hodna pamiać Paeta, čyju tvorčaść pa pravu nazyvajuć «žuraŭlinym sercam» biełaruskaj paezii!
Dla tych, chto žadaje dałučycca da imprezy, kantaktnyja telefony:+37529 ‑7‑68‑56‑14 (u Miensku) i +37533‑6‑72‑24‑60(u Rečycy).
Minčuki mohuć dajechać da vioski Haroškaŭ aŭtobusam da Rečycy i dalej na aŭtobusie da Haroškava albo na ciahniku da Homiela i dalej na aŭtobusie da Haroškava.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary