U Homieli mužčyna z nažom paraniŭ u tralejbusie troch milicyjanieraŭ u cyvilnym — padrabiaznaści
Zdareńnie adbyłosia viečaram u aŭtorak u tralejbusie na prypynku «Univiermah» u Homieli. Pry zatrymańni 24-hadovy złačynca paraniŭ nažom troch supracoŭnikaŭ milicyi.
Troje supracoŭnikaŭ pravaachoŭnych orhanaŭ u cyvilnym u tralejbusie №20 pasprabavali zatrymać mužčynu, jaki raniej źbieh z kałonii, dzie adbyvaŭ termin pavodle «narkatyčnaha» artykuła. Padazravany byŭ uzbrojeny nažom i akazaŭ aktyŭny supraciŭ. Milicyjanty, jakija brali ŭdzieł u incydencie, atrymali surjoznyja ranieńni noh, a złačyniec źbieh. Pa Homieli byŭ abvieščany płan «Pierachop».
Mužčyna pasprabavaŭ uciačy ad pieraśledu i nakiravaŭsia ŭ bok parku. Dabraŭšysia da Soža, skoknuŭ u raku. Dapłyŭ da supraćlehłaha bieraha z boku Navabielicy i, nie vychodziačy z vady, pačaŭ spusk da Buchty kapitanaŭ. Ale źbiehčy nie ŭdałosia: kala piataj ranicy jaho «padstrelili i zatrymali».
Milicyjantaŭ z surjoznymi nažavymi ranieńniami i napadnika z kulavym ranieńniem špitalizavali.
Małady čałaviek znachodziŭsia ŭ vyšuku. U krasaviku minułaha hoda jon byŭ asudžany na try hady za niezakonny abarot narkatyčnych srodkaŭ i chulihanstva, paviedamili va UUS Homielskaha abłvykankama.
«Na praciahu 30 hadoŭ niezaležnaści biełaruskamoŭnyja biuleteni zadavalniali ŭsich». Kamunisty abvinavacili Bondaravu ŭ raspalvańni varožaści na moŭnaj hlebie1616
Kamientary