U vioscy Frołaŭka Kaściukovickaha rajona 62-hadovy piensijanier vyrašyŭ naviedać susieda, adkryŭ bramku, uvajšoŭ u dvor, dzie na jaho raptam pavaliłasia biaroza. Haspadar padvorka vyklikaŭ bryhadu chutkaj, ale, na žal, vyratavać paciarpiełaha miedyki, jak ni staralisia, nie zmahli. Praz paru hadzin toj skanaŭ u lakarni, paviedamlaje sb.by.
39-hadovy ŭładalnik doma ŭ toj dzień byŭ u kampanii ziemlaka, 48-hadovaha žychara hetaj samaj vioski. Mužčyny trochi vypili, a potym vyrašyli papracavać. Haspadar paskardziŭsia hościu na biarozu, jakuju daŭno para vykarčavać. I jany ŭdvaich vyrašyli śpiłavać dreva. Voś tolki nie raźličyli, kudy jano, padpiłavanaje, upadzie. Dumali — u adzin bok, a akazałasia — pavaliłasia ŭ procilehły. I pa źbiehu akaličnaściej — na viaskoŭca, jaki ŭ hety čas zajšoŭ u dvor susieda. Pa fakcie hibieli čałavieka raspačata kryminalnaja sprava pa artykule «Pryčynieńnie śmierci pa nieaściarožnaści».
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary