Siońnia tryma matčami za akijanam («Bostan» — «Kliŭlend», «Čykaha» — «Miłuoki», «Lejkierz» — «Portlend») startuje 63‑ci rehularny čempijanat Nacyjanalnaj baskietbolnaj asacyjacyi.
Honku za čempijonskimi piarścionkami pačnuć 30 kamandaŭ Zachodniaj i Uschodniaj Kanferencyjaŭ. I doŭžycca taja honka budzie ažno da kanca červienia.
Realna na tytuł najlepšaj kamandy NBA buduć pretendavać niekalki kamand, šmat što zaležyć ad taho, ci zdoleje «Bostan Sełtyks» abaranić minułahodni tytuł.
Na žal, znoŭ biełarusy biez svajho pradstaŭnika ŭ najlepšaj baskietbolnaj lizie śvietu. Uładzimier Vieramiejenka tak i nie rašyŭsia pierabracca ŭ «Vašynhton Uizards».
Na dziva, «mała» sioleta pradstaŭnikoŭ Rasiei ŭ NBA. Heta tolki Andrej Kirylenka (z «Juty Džaz»). Dematerylizavalisia niekudy Chrapa, Monia, Padkolzin, Karaloŭ.
Praŭda, za «džazmenaŭ» zajaŭleny ŭkrainiec Kiryła Fesenka.
Dva hulcy z prastoraŭ byłoha SSSR u «Vašynhtonie» — heta litoviec Daryjus Sanhajła, jaki pryjšoŭ u staličny klub z «Čykaha» i ukrainiec Alaksiej Piačeraŭ.
Naohuł litoŭcaŭ z prastoraŭ byłoha SSSR - najbolšaja kolkaść za akijanam. Aproč Sanhajły, heta Žydrunas Iłhaŭskas («Kliŭlend Kavaljerz») i Linas Klejza («Denver Nahiets»).
Za «Hołden Stejt Uoryorz» budzie hulać łatyš Andrys Biedryńš, a za «Atlantu Choŭks» — hruzin Zaza Pačulija.
Palaki taksama majuć tolki adnaho pradstaŭnika ŭ NBA — heta Marcin Hortat, jon vystupaje za «Arlanda Medžyk».
Ciapier čytajuć
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca6
Siamju ź dziciom nie puścili jeści ŭnutry kaviarni picu navynas. «Haraž» apraŭdvajecca, internet spračajecca
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1212
Kamientary