Čarhiniec pra restaran kala Kurapataŭ: «Prajazdžajučy mima, advaročvaŭ by hałavu»
Cvaim bačańniem kanfliktu vakoł restarana la miesca masavych rasstrełaŭ achviaraŭ stalinskich represijaŭ u Kurapatach z Radyjo Svaboda padzialiŭsia staršynia praŭładnaha Sajuzu piśmieńnikaŭ Biełarusi Mikałaj Čarhiniec.
«Nu jakija tam restarany? Restarana nie pavinna być, heta zrazumieła. Što tam, paminki buduć ładzić? Nie. Tam buduć pieśni-skoki dy inšaje. I elemientarnyja pjanki. Tamu ja liču, što hetaha rabić nielha», — skazaŭ Mikałaj Čarhiniec.
Jon dumaje, što ŭ Kurapatach nieabchodna zrabić «niejki pomnik ahulny dla ŭsich, a nia tolki kryžy».
«Heta ŭžo sprava ŭładaŭ. Treba prosta dobraŭparadkavać, dać pabolš infarmacyi pra hetaje miesca. Paviesić niekalki takich dobrych šyldaŭ. I tyja, chto tam robić restaran, lepš by dali hrošaj na hetuju śviatuju spravu. Heta było b pravilna», — skazaŭ piśmieńnik.
Ci staŭ by Mikałaj Čarhiniec jeści ŭ restaranie «Pojediem pojedim»?
«Nie, i, prajazdžajučy mima, advaročvaŭ by hałavu. U mianie nikoli b nie pračnuŭsia apietyt u restaranie ŭ takim miescy».
Byłoha supracoŭnika kontrraźviedki KDB aryštavali za zdradu dziaržavie9
Kamientary