Što pryvoziać ź Jeŭropy? Papularnaje, dziŭnaje, smačnaje i nie vielmi
Ź letnich vandrovak, kaniečnie, samaje hałoŭnaje — pryvieźci novyja ŭražańni, emocyi i dobry nastroj. Ale ŭražańnie na ladoŭniu nie paviesiš i siabra im nie pačastuješ.
Razam z aviasales.ru my stvaryli padborku haścincaŭ, jakija treba abaviazkova pryvieźci damoŭ z dalokaj krainy, kab z honaram kazać: ja tam byŭ!
Francyja
Spytajciesia ŭ luboha, navat u taho, chto pra hetuju krainu viedaje tolki ź filmaŭ «Taksi», i jon vam skaža, što Francyja — kraina vina, syru i Ejfielevych viežak, jakich bieźlič pradajecca na ŭsich turystyčnych vulicach horada.
Kab pryvieźci dadomu ŭsio toje, čym bahataja Francyja, spatrebicca nie adzin čamadan. Na dno valizki možacie śmieła kłaści habielen ci francuzski bieret. Jon nie pamniecca, bo sapraŭdny francuzski hałaŭny ŭbor zrobleny ź jakasnaha fietru (i kaštuje prykładna 50 jeŭra). Da jaho, napeŭna, daviadziecca nabyć i francuzski šalik (tolki heta ŭžo zusim inšyja hrošy).
Kali vy hurman, to zachapicie niezvyčajny łasunak — zacukravanyja fijałki ci makavy sirop. I tady i biełaruskija kruasany buduć z sapraŭdnym smakam Francyi.
Darečy, kali siarod vašych siabroŭ jość amatary pavazicca na kuchni ŭ pošukach hastranamičnych adkryćciaŭ, pryviazicie im dyžonskuju harčycu ci nabor z pravanskimi travami.
Viadoma, raić pryvieźci suvienir z vyjavaj Ejfielevaj viežy — heta jak raić kupacca ŭ mory, kali vy jedziecie na kurort. A kab nie tolki Ejfielevaja vieža ŭpryhožvała vašu kvateru, pryviazicie z Francyi padarunak z vyjavaj… cykady.
U kurortnych suvienirnych łavačkach možna nabyć birulki, mahniciki, fihurki, kubki, broški, padvieski i skrynački z vyjavami roznych nasiakomych. Košt simvaličny.
Ale što b vy ni nabyli, navat kali heta budzie maleńki suvienir z nadpisam merci, admyjcie nabytak dobrym francuzskim vinom. Heta taho varta!
Kali raptam zachaciełasia vypić kavy z kruasančykam, suzirajučy Notr-Dam, to pa hetaj spasyłcy možna padabrać tannyja avijakvitki ŭ Paryž.
Hiermanija
Piva i sasiski — adrazu nie. Lepiej najadajciesia imi padčas padarožža. A voś kufal dla piva — čym nie suvienir? Tym bolš, ich u Hiermanii bieźlič, pryčym samych roznych.
Z kuflem, praŭda, spać nie budzieš, a voś ź plušavym miškam — tak. Miadźviedź — simvał Bierlina. Biarycie taho, chto najbolš pranikniona hladzić vam u vočy z pryłaŭka, i ciahnicie dadomu. U paru da miadźviedzia možna nabyć čałaviečka z HDR — Ampielmana. Na vulicach Bierlina jaho možna zaŭvažyć na śviatłaforach, a ŭ suvienirnych kramach dyk jon i ŭvohule paŭsiul: na hadzińnikach, kubkach, adzieńni.
Možna jašče kupić adekałon. Nie, nie «Ruski les» abo «Saša», a sapraŭdnuju «vadu z Kiolna». Šukajcie ŭ kramach fłakončyk z nadpisam «Kölnischwasser No. 4711».
Kali try słovy pa-francuzsku, jakija viedajuć usie, heta «šerše la fam», to na niamieckaj heta — «kvadraciš, prakciš, hud». Rekłamny słohan samaha viadomaha niamieckaha šakaładu «Rytar Sport». Paviercie, u Hiermanii vy ŭbačycie stolki roznych smakaŭ, što vam i nie śniłasia. Vybirajcie samyja ekzatyčnyja — nie paškadujecie.
Na bierlinskaj Francuzišeštrase mieścicca samaja vialikaja krama Ritter Sport. Hladzicie tut tannyja varyjanty pa avijakvitkach dy nakiroŭvajciesia pa łasunki!
Italija
Kali ŭ čamadanie zastałosia miesca paśla taho, jak vy zabili jaho makaronaj, vinom i syram, to čytajcie, na što jašče možna źviarnuć uvahu.
Jakija ž italjanskija kanikuły, kali vy nie pryvieziacie dadomu sapraŭdnuju vieniecyjanskuju masku? Adzinaje, što treba pamiatać, — jana vielmi krochkaja, tamu nadziavajcie jaje prosta na siabie. U aeraporcie vy dakładna nie zastaniaciesia niezaŭvažanym.
Samaj ciažkaj rečču ŭ vašym bahažy moža apynucca nie butelka aliŭkavaha aleju ci litr likioru «Limančeła», a vyrab z suśvietna viadomaha ciažkaha muranskaha škła ci lalka Pinokia.
Vam zdajecca, što ŭ interjery vašaj kvatery nie chapaje statuetki Papy Rymskaha? U Italii jaje možna nabyć.
A naohuł, nie admaŭlajcie sabie ni ŭ čym. Chočacie fihurku Kalizieja ci Pizanskaj viežy, atrybutyku «Formuły 1» ci hładyjataraŭ z hipsu — kuplajcie, pryvoźcie dadomu i chvaliciesia imi ŭsim siabram.
Abirajcie voś tut kirunki dla vašych italjanskich vakacyj, dy ŭ dobry šlach!
Ispanija
Kažam Ispanija — čujem chamon. Vybar vializny, vy dakładna znojdziecie niešta na svoj smak.
Kali vy nie amatar śvininy, to dzie-dzie, a ŭ Ispanii budzie što pakaštavać. Pryviazicie dadomu, naprykład, bułačku Ensaimada z načynkaj, što nazyvajecca «Vałasy anioła». Heta zacukravanyja nitki z harbuza.
Ale śviata žyvata — daloka nie ŭsio, čym pavinna zapomnicca Ispanija.
Dla dušy možna pryvieźci ŭ Biełaruś soniečnyja kastańjety. Ich huk nie pierabłytaješ ni ź jakim inšym, i vas kruhły hod budzie radavać «recha» haračaj Ispanii. Časta viazuć taksama suvieniry, što nahadvajuć pra karydu.
Kali z pačućciom humaru ŭ vas usio ŭ paradku, to možna pryvieźci Kahaniera. Dasłoŭna pierakładajecca jak «čałaviek, jaki spraŭlaje patrebu». Siarod takich fihurak možna adšukać paznavalnyja vobrazy viadomych palitykaŭ, kulturnych dziejačaŭ, futbalistaŭ i zorak estrady. A što, chiba jany nie ludzi?
Sahrada Familija, Park Huel dy Kamp Noŭ — usio heta možna pabačyć nie tolki na vyjavach u Vikipiedyi. Abirajcie tannyja avijakvitki ŭ Barsiełonu i vandrujcie!
Šviecyja
Nie, ni ŭ jakim razie sa Šviecyi nie treba vieści šviedskuju ścienku. Ci, naprykład, Karłsana. Hety mužčyna ŭ poŭnym roskvicie sił — nie samy papularny piersanaž.
Sapraŭdnyja šviedskija suvieniry — heta draŭlanyja koniki Dała abo statuetki vikinhaŭ. Taksama jość vializny vybar suvieniraŭ z vyjavaj łasia.
Łasioŭ u Šviecyi lubiać nie tolki na karcinkach: paštet z łasiaciny idzie ŭ turystaŭ na ŭra.
I vy, napeŭna ž, čuli pra taki šviedski dalikates, jak siurstrominh? Heta kansiervavany «padhulany» sieladziec. Kali vaš nos zanadta dalikatny, nie adkryvajcie sieladziec u pamiaškańni. Ad rezkaha pachu źbivaje z noh.
Najtańniej dabracca da Stakholma biełarusu budzie ź Vilni. Ale možna lacieć i naŭprost ź Minska.
Niderłandy
Z hetaj krainy treba vieźci ŭsio, što źviazana z młynami, ciulpanami abo draŭlanym abutkam (kłompami).
Vybar suvieniraŭ bahaty. Asabliva kałarytna hladziacca statuetki dvuch dzietak ci roznyja varyjacyi hałandskich domikaŭ.
Znoŭ ža, nie možam nie paraić hałandski suvienir dla ludziej sa śpiecyfičnym pačućciom humaru — dekaratyŭny preziervatyŭ. Pradajucca takija štukoviny, viadoma, u kvartale čyrvonych lichtaroŭ. U kramie vy znojdziecie načepniki ŭ vyhladzie Hamiera Simpsana, Ejfielevaj viežy, młyna.
Kali kazać pra hastranamičnyja suvieniry, to hałandski syr i hałandskija vafli — toje, što abaviazkova pryjdziecca daspadoby.
Pa hetaj spasyłcy možna pahladzieć usie mahčymyja varyjanty pa avijakvitkach u Amsterdam.
Isłandyja
Kali vas jakim-niebudź vietram zaniasie na prastory Isłandyi, to raskryvajcie čamadan šyrej, kab u jaho źmiaścilisia vyraby z vułkaničnaj łavy i śmiardziučaja akuła.
Što datyčycca akuły, to heta samy papularny haściniec ź Isłandyi. Nazyvajecca chakarł. Miasa straŭnika abo myšačnaj tkanki akuły papiarednie zakopvajuć u ziamlu na 6—12 tydniaŭ. Pakaštujcie, ale papiarednie zaciśnicie nos.
Abaviazkova nabudźcie ŭ Isłandyi švedar. Ciopły suvienir z tradycyjnym isłandskim arnamientam harantavana sahreje biełaruskaj zimoj. Nie horš za švedar sahreje i isłandskaja harełka z bulby abo harčyca.
A kali vy patracili ŭsie hrošy i ŭ vas zastałasia tolki drobiaź, śmieła prezientujcie siabram isłandskija manietki — jany ž takija pryhožyja! Jašče adzin biudžetny varyjant padarunka ź Isłandyi — čorny piasok ź plažu. Nabirajcie ŭ maleńkija słoički i darycie znajomym.
Ź Minska naŭprost u Isłandyju nijak nie dabracca. Treba šukać inšyja varyjanty, naprykład, ź Vilni.
Hrecyja
Było b dziŭna, kali b z krainy, dzie jość usio, nie było čaho pryvieźci.
Kali ŭ dziacinstvie vašaj lubimaj knihaj byli «Mify Staražytnaj Hrecyi», to paradujcie siabie hrečaskaj kieramikaj. Jana tradycyjna azdoblenaja asablivym arnamientam — załatyja hrečaskija matyvy na čornym fonie.
Adzin z samych raspaŭsiudžanych niezvyčajnych suvieniraŭ z Hrecyi — kubak Pifahora. Abo, jak jaho taksama nazyvajuć, kubak skvapnaści. Kali nalić u jaho vino ci lubuju vadkaść vyšej za praktyčna niezaŭvažnuju mietku ŭnutry, to napoj vyljecca.
Z Hrecyi mnohija pryvoziać «svajakoŭ» Spanč Boba — marskija hubki. Jany kaštujuć niadoraha, a ŭ haspadarcy mohuć spatrebicca.
Kali brać aliŭki, to ich možna vieźci ŭ kansiervavanym vyhladzie, u vyhladzie aleju ci ŭ składzie kaśmietyčnych srodkaŭ.
Abirajcie tannyja kirunki i źbirajciesia ŭ darohu!
Padsumoŭvajučy ŭsio skazanaje, chočacca dadać tolki adno: što b vy ni pryvieźli z padarožža, emocyi i ŭražańni — hałoŭnaje, jak ni kruci.
Partniorski materyjał z aviasales.ru
Pašparty biełarusaŭ, jakija hałasujuć na vybarach u KR, apracuje kampanija, u jakoj apošniuju ŭciečku vyjavili ŭ 2026-m, a zasnavalniki — rasijanie63
Kamientary