Biełaruskija mihranty zmohuć zabrać u Polšču svaich svajakoŭ
Pałažeńni novych zakonaŭ spraščajuć umovy pracy inšaziemcaŭ u Polščy.
Urad Polščy płanuje ŭnieści źmieny ŭ zakon ab inšaziemcach i rynku pracy. Praz 2,5 hoda paśla atrymańnia paśviedčańnia na časovaje žycharstva (karta pobytu czasowego) i pracu ŭ Polščy inšaziemiec zmoža padać dakumienty na paśviedčańnie ab pastajannym žycharstvie (karta pobytu stałego). I ŭžo praz hod paśla taho, jak zamiežny hramadzianin atrymaje pracu ŭ Polščy, jon zmoža zaprasić da siabie najbližejšych svajakoŭ, jakija taksama zmohuć atrymać tut dazvoł na pracu. Hety zakon datyčyć hramadzian Biełarusi, a taksama Armenii, Hruzii, Rasiei i Ŭkrainy.
U Ministerstvie siamji, pracy i sacyjalnaj palityki ličać, što spraščeńni nakiravany na pasialeńnie ŭ Polščy «hramadzian blizkich pa kultury dziaržaŭ», jakija «majuć kvalifikacyi ŭ prafiesii, što patrebny polskaj ekanomicy». Adnak pakul jašče nieviadoma, jakich prafiesij buduć datyčyć pałažeńni novaha zakona.
Ciapier na atrymańnie paśviedčańnia ab pastajannym žycharstvie treba čakać minimum try hady. Kali novyja pałažeńni zakona ŭvojduć u siłu, hety termin skarocicca da paŭtara hoda. Heta pierałom u polskaj mihracyjnaj palitycy, — ličyć demohraf Maciej Duščyk.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ9
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary