Mierkavańni 37 37

Vinceś Klepačenia

03.05.2026 / 14:27

Čamu «Naša Niva» tak časta piša pra Pratasieviča? Patłumačyła Roŭda

U novym analityčnym vypusku TOKu dyrektarka «Našaj Nivy» Nasta Roŭda adkazała na pytańnie da ŚMI, jakoje publikavaŭ Mikoła Statkievič.

Raman Pratasievič u jakaści viadučaha STB. Skrynšot telekanała

Niekalki dzion tamu Mikoła Statkievič u svaim telehram-kanale apublikavaŭ pytańnie ad byłoha siabra partyi. Častka pytańnia tyčyłasia «peŭnaha demakratyčnaha resursu», «aryjentavanaha na nacyjanalnuju kulturu». U pryvatnaści, pra toje, što jon «rehularna źviartajecca da aśviatleńnia pryvatnaha žyćcia miarzotnika, jaki kupiŭ sabie svabodu za košt svabody svaich kaleh, abmiarkoŭvaje navat koler trusoŭ jahonaj sužycielki».

Vidavočna, što heta zaŭvaha tyčycca «Našaj Nivy», jakaja piša pra Ramana Pratasieviča.

Nasta Roŭda zaŭvažyła, što asabista dla jaje Mikoła Statkievič — hłybokapavažany čałaviek, tamu varta da jaho słoŭ prysłuchacca i patłumačyć pazicyju.

Jana prakamientavała, čamu «Naša Niva» piša pra Pratasieviča:

«Tamu što ludziam vielmi cikava sačyć za losam zdradnika. Za pakutnym, niaprostym losam zdradnika, jaki akazaŭsia nie patrebny ni tut, ni tam. I ŭ hetym sensie heta, napeŭna, guilty pleasure.

Heta vielmi pavučalnaja historyja, prykład, jaki nichto nie choča paŭtarać. Nichto nie choča prajści tym šlacham, jakim prajšoŭ Raman Pratasievič. (…) My heta robim dziela taho, kab pakazać ludziam historyju voś takich zdradnikaŭ. Da čaho jana pryvodzić i nakolki jana moža być balučaj u pierśpiektyvie».

Čytajcie jašče

Kamientary37

FF

03.05.2026

A pra majtki jahonaj naračonaj dla čaho pisać?
Abjektyŭna

03.05.2026

pad uździejańniem katavańniaŭ, samych žorstkich, jakija i ciapierka šyraka dastasoŭvajucca ŭ roznych krajoch śvietu, u tym liku da ich svajakoŭ i blizkich, stać romaj pratasievičam moža kožny. Usie tyja, chto asudžaje romu pratasieviča, mohuć stać im, i paŭtaryć uvieś jahony šlach. Inšaja reč, što roma zaduža starajecca vysłužycca, moža, navat bolš čym treba. A moža jakraz heta i treba. Prosta ŭ dačynieńni da roznych ludziej roznyja karniki ŭžyvali roznyja katavańni, i ŭ kožnaha "śledčaha" svaja ŭtrapionaść, i ŭ kožnaha zakładnika, viaźnia - svaja vytryvałaść, zdolnaść vycierpieć. p.s. a kali Roma Pratasievič byŭ pieršapačatkova ahientam (što małaimavierna), to nijakaj zdrady jon nie rabiŭ, toje byŭ jahony śviedamy vybar. Tak što, spadarstva, naš niepryjaciel - nia roma pratasievič, a tyja chto pieraŭtvaraje biełarusaŭ u rom pratasievičaŭ.
Bielarus 4 ever

03.05.2026

FF, tak i jość. Nasta na pytańnie tak i nie adkazała. Moža i treba viedać toje-sioje pahanieńkaje, što jon robia, ale našto nam viedać usio pra jahonaje raspusnaje pryvatnaje žyćcio i jahonych sužycielak, da taho ž infa nie zaŭsiody praŭdzivaja i ty pačynaješ błytacca, kolki dziaciej u Pratasieviča, ad kaho, dzie pracuje, z kim raźvioŭsia/ažaniŭsia/zdradžvaje.

Ciapier čytajuć

Na dziaržTB pakazali schudniełaha manacha, jakoha pieradali Polščy razam z Pačobutam

Stali viadomyja padrabiaznaści pra trahiedyju ŭ Połackim manastyry16 16