Kiravańnie ekanomikaj, karani našych proźviščaŭ, kazka pra kata Šprota — «Akademkniha» prapanuje vydańni na luby hust

Kot Šprot i tajamnica atrakcyjonaŭ. Hanna Jankuta. Illutracyi Lilii Davydoŭskaj. Minsk: A.M. Januškievič, 2018.

Adnojčy kot Šprot, jaki lubić unačy ciškom źbiehčy z bałkona i pabłukać pa vakolicach, znajomicca z pryvidami, što žyvuć pad voknami jaho doma. Tak pačynajucca pryhody kata Šprota i chłopčyka Alesia ŭ parku Čaluskincaŭ i zaviazvajecca ich siabroŭstva z susiedziami — pryvidami, vierabjami i myšami. Hieroi knihi ratujuć siabroŭ, jakija trapili ŭ zahadkavuju pastku, i vučacca spraŭlacca ź niahodami.

Pavialičyć

Arhany Biełarusi. The organs of Belarus: z aŭdyjodadaktam (CD). Minsk: «Biełaruskaja encykłapiedyja», 2018.

Arhany — hučnyja śviedki biełaruskaj historyi. Źmianialisia epochi, adbyvalisia losavyznačalnyja padziei ŭ žyćci krainy, a huki arhana praciahvali napaŭniać dušy biełarusaŭ duchoŭnaściu, padšturchoŭvali zadumacca ab spradviečnych kaštoŭnaściach čałaviečaha žyćcia.

U bahataj muzyčnaj skarboncy biełarusaŭ— imiony vydatnych arhanistaŭ i kampazitaraŭ, arhannych majstroŭ, tych, chto pryśviaciŭ siabie słužeńniu «karalu muzyčnych instrumientaŭ».

U bahata ilustravanym vydańni «Arhany Biełarusi» źmieščana infarmacyja pra 123 arhany, što zachavalisia na terytoryi našaj krainy, i majstrach, jakija ich stvarali, padajucca techničnyja charaktarystyki kožnaha instrumienta. Kniha taksama raskazvaje pra historyju raźvićcia arhannaj kultury na terytoryi Biełarusi, tvorcaŭ arhannaj muzyki, sučasnaje raźvićcio arhannaha vykanalnickaha mastactva.

Pavialičyć

Instituty praviat ekonomikoj. Łučienok A.I. Minsk: «Biełaruskaja navuka», 2018.

U knizie ŭ navukova-papularnaj formie tłumačycca važnaść instytutaŭ jak praviłaŭ, jakija rehulujuć ekanomiku. Vykładzieny tearetyka-mietadałahičnyja asnovy prymianieńnia instytutaŭ, jakija zabiaśpiečvajuć ŭzhadnieńnie ekanamičnych intaresaŭ, abhruntavany škodu impartu čužych instytutaŭ i niebiaśpieka instytucyjnych pastak. Dadzieny praktyčnyja rekamiendacyi.

Praca pryznačana dla kiraŭnikoŭ roznaha ŭzroŭniu, pradprymalnikaŭ i dla ŭsich, chto cikavicca sučasnymi padychodami da kiravańnia ekanomikaj.

Pavialičyć

Karani našych proźviščaŭ. Lemciuhova V.P.. Haponienka I.O. Minsk: «Źviazda», 2018.

Pachodžańnie proźviščaŭ - adna z samych pryvabnych i zapatrabavanych temaŭ biełaruskaj antrapanimiki. Našy suajčyńniki aktyŭna šukajuć svaje karani, sprabujuć asensavać svaju kulturnuju spadčynu. Kniha «Karani našych proźviščaŭ» stanie ŭ hetym sensie dobraj dapamohaj. U joj raskryvajecca zychodnaja asnova, strukturnaja arhanizacyja i siemantyka bolš jak troch tysiač biełaruskich proźviščaŭ.

U knizie prapanujucca navukovyja viersii pachodžańnia proźviščaŭ, atrymanyja ŭ pracesie daśledavańnia z aporaj na fakty i navukovyja viedy. 

RUP «Akademičnaja kniha» UNP 101462648

• 0
• 0
• 0
• 0
• 0
• 0
• 0
• 0