Pieršuju partyju ślimakovaj ikry atrymali ŭ Hrodzienskaj vobłaści. Pradukt, unikalny dla Biełarusi, na smak nahadvaje čyrvonuju ikru łasosia, ale kaštuje ŭ niekalki razoŭ daražej. Asablivaj papularnaściu ikrynki ślimakoŭ karystajucca ŭ jeŭrapiejskich hurmanaŭ.
Muž i žonka Uładzimir i Viktoryja Rabkovy na niekalkich sotkach u śpiecyjalnych valjerach vyroščvajuć ślimakoŭ. Čatyry hady tamu, pierajechaŭšy z Danieckaj vobłaści siudy, u Karelicki rajon, para kupiła viaskovy dom, i, jak śviedčyć siamiejnaja lehienda, ślimak, jaki prapaŭzaŭ mima, sam padkazaŭ biźnies-ideju. Dobry ekspartny patencyjał, a taki tavar karystajecca pavyšanym popytam u Jeŭropie, i cikavaść da dalikatesu z boku ajčynnych restarataraŭ padšturchnuli fiermieraŭ zaniacca navat sielekcyjnaj pracaj. Tak, u hetym hodzie na fiermie źjavilisia bujnyja asobiny, raspaviadaje BT-1.
Na fiermie Rabkovych — kala 3 ton ślimakoŭ. Uvahi da siabie hadavancy patrabujuć pavyšanaj. Siłkujucca vyklučna zbałansavanym racyjonam, u jaki ŭvachodziać zielanina, kambinavanyja karmy, a jašče haroch, kukuruza, jačmień i minieralnyja rečyvy, nieabchodnyja dla rostu pancyra. U haračy dzień maluskaŭ abaviazkova treba palivać kožnyja paŭhadziny. Jość tut i svoj dziciačy sad.
U hetym hodzie siamiejnaja para vyrašyła asvoić novy vid pradukcyi. Płanujuć pastaŭlać na rynak nie tolki niepasredna ślimakoŭ, ale i ich ikru. Pieršuju doślednuju partyju atrymali litaralna dniami. Adzin malusk prynosić prykładna 3—4 hramy dalikatesu, ale biznes-prajekt, zapeŭnivaje haspadar, siabie akupić. Bo košt praduktu ŭ niekalki razoŭ pieravyšaje samuju darahuju čyrvonuju ikru łasosia. Uvieś praces nahadvaje pracu juvielira z dyjamientami, kožnaja ikrynka adbirajecca ŭručnuju.
Muž i žonka Rabkovy ślimakovuju ikru atrymali pieršymi ŭ Biełarusi. A tamu popyt na jaje čakajuć vialiki. Ciapier miascovym hurmanam, kab pasprabavać davoli papularny na Zachadzie dalikates, nie abaviazkova jechać u Francyju.
Ciapier čytajuć
«Patraciła 300 rubloŭ — a jašče tolki siaredzina červienia!» Biełarusy abmiarkoŭvajuć vydatki na pakos travy i dzielacca łajfchakami12
Kamientary