Jon asprečvaje sudovyja pakarańni štrafami j aryštam nibyta za niezakonnaje pradprymalnictva, łajanku j niepadparadkavańnie milicyi, a taksama paŭtornaje vyklučeńnie z treciaha kursu matematyčnaha fakultetu Homielskaha dziaržaŭnaha ŭniversytetu.
«Maje jurycty dapamahli skłaści skarhu ŭ kamitet AAN. My prajšli absalutna ŭsie instancyi, sprabujučy damahčysia iściny j adnaŭleńnia va ŭniversytecie. I kab ź mianie źniali hetyja niedarečnyja abvinavačvańni ŭ niecenzurnaj łajancy, u pravakavańni kanfliktu ź milicyjantam, za što ŭrešcie mianie druhi raz adličyli. Hetaj padtrymki my nie znajšli, niahledziačy ni na dapamohu Biełaruskaha Chelsynskaha kamitetu, ni na toje, što paśla pieršaha adličeńnia ŭdałosia adnavicca va ŭniversytecie. Na žal, inšaha vyjścia niama. Kamitet AAN — heta adzinaja mižnarodnaja struktura, jakaja maje ŭpłyŭ u Respublicy Biełaruś i z dapamohaj jakoj možna, vidać, atrymać choć by maralnuju pieramohu», — skazaŭ Źmicier Žaleźničenka.
U vojsku z 22‑tysiačnaha hrašovaha zabieśpiačeńnia sałdata Žaleźničenki vyličvajuć 9 tysiač rubloŭ, albo 40 pracentaŭ, na pahašeńnie dvuch ździeklivych štrafaŭ — za niezakonnaje pradprymalnictva j niepadparadkavańnie milicyjantu.
Kamientary