Łavicie padborku ciopłych rečaŭ ajčynnaj vytvorčaści — ad kambiezaŭ da palito FOTY
My pravieryli, jakija aktualnyja rečy možna adšukać u šoŭrumach biełaruskich dyzajnieraŭ hetaj vosieńniu. Źviartajcie ŭvahu na toje, što, niahledziačy na źniešniuju tonkaść vyrabaŭ, na etykietkach siarod składnikaŭ, chutčej za ŭsio, buduć ciopłyja mierynos i kašemir.
1. Marka LSD: Lifestyle Simple Design u asobie dyzajniera Darji Łučankovaj-Lebiedzievaj stvaraje dla biełarusaŭ vopratku ŭžo treci hod. U instahramie brenda vy zmožacie znajści dziasiatki roznych ciopłych palito i kasuch trendavych koleraŭ.
2. Stylovyja daždžaviki kožny siezon vypuskajuć Limitedminsk. Na staroncy brenda taksama šukajcie ciopłyja śvitšoty z vyšyŭkaj. A voś taki płašč-daždžavik vy možacie nabyć u šoŭrumie na Kujbyšava za 200 biełaruskich rubloŭ. Kali doždž užo pajšoŭ, to apłacić pakupku z dastaŭkaj možna navat anłajn.
3. Ručnoje tkactva Heartiness tradycyjna prapanoŭvaje nam vopratku i aksiesuary ŭsiaho ŭ 1—2 ekzemplarach na ceły horad. Taksama možna samomu abrać skład i koler vyrabaŭ pad zamovu. Ciopłyja kašemirava-mierynosovyja pałanciny za 190 rubloŭ u šoŭrumie na Čkałava.
4. Palito, žakiety, sukienki z doŭhimi rukavami… Sabrać celny vobraz vam dapamoža MIRANOVICH. Nie abaviazkova vosieńniu nasić ciomnaje i šeraje, kažuć nam dyzajniery brenda.
5. Šoŭk, machier, anhora — heta składniki vosieńskich švedaraŭ u instahramie dyzajnierki Iryny Bojcik. Za 360—390 biełaruskich rubloŭ možna nabyć taki cikavy asimietryčny žakiet sa 100% voŭny.
6. Sukienki za 110 rubloŭ i palito za 300 — davoli biudžetnyja varyjanty prapanoŭvaje nam marka The Young Clothes. Vielmi šmat fota z asieńniaj kalekcyi hladzicie ŭ ich na staroncy.
7. Sukienak z doŭhim rukavom nie byvaje šmat. Vieranika Charašun, dyzajnierka Dofamine studio, pakazvaje šmat cikavych vobrazaŭ na vosień-2018.
8. Dziaŭčaty ZIBRA na vulicy Kamsamolskaj uciaplilisia ŭžo hruntoŭna i pracujuć biez vychodnych.
9. Padobna, što Valeria Aksionava raspradaje ciopłuju vopratku sa źnižkami ŭžo ŭ aktualny siezon, bo košty na vyraby z fotakarusieli składajuć usiaho 50—290 rubloŭ!
10. Šoŭrum KARDASH kliča na prymierki na praśpiekt Mašerava. U najaŭnaści: kambiniezony, kašuli, śvitšoty i inšaje. Usio vielmi pryvabnaje i cikavaje.
Kamientary