Rašeńnia pra toje, jak zamiežniki mohuć pierasiakać miažu Biełarusi i Rasii, nie znojdziena
Rašeńnia ab tym, jak zamiežniki mohuć pierasiakać miažu Biełarusi i Rasii, tak i nie znojdziena. Pra heta na pasiadžeńni parłamienta raspavioŭ śpikier Uładzimir Andrejčanka, piša Tut.by.
Deputaty ŭ aŭtorak u pieršym čytańni pryniali źmieny ŭ zakony, jakija spraščajuć ujezd zamiežnikaŭ u pryhraničnuju zonu Biełarusi. Novaŭviadzieńni ŭ parłamiencie pradstaŭlaŭ staršynia Dziaržpahrankamiteta Anatol Łapo.
Kali źmieny ŭ zakony zapracujuć, zamiežniki zmohuć biez propuskaŭ prajazdžać na adpačynak u sanatoryi i turystyčnyja bazy praz pamiežnuju zonu. Taksama ŭjazdžać u zonu i hramadzianie Biełarusi, i zamiežniki zmohuć nie tolki pa pašparcie, paśviedčańni na pravažycharstva i paśviedčańni ab naradžeńni (dla niepaŭnaletnich), ale i pa inšych dakumientach. Akramia taho, admianiajecca dziaržpošlina za ŭjezd, časovaje znachodžańnie i pieramiaščeńnie na praciahu hoda ŭ pamiežnaj zonie i ŭvodzicca pošlina za vydaču propuskaŭ u pamiežnuju pałasu.
Padčas abmierkavańnia ŭ parłamiencie deputat Valeryj Varaniecki pacikaviŭsia, jak vyrašajecca prablema pierasiačeńnia biełaruska-rasijskaj miažy zamiežnikami. Nahadajem, rasijanie nie prapuskajuć hramadzian trecich krain, jakija jeduć ź Biełarusi na mašynie, aŭtobusie ci ciahniku.
— Pakul što budzie tak, hramadzianie trecich krain razvaročvajucca (na biełaruska-rasijskaj miažy), našy kalehi nastojvajuć na tym, kab hramadzianie trecich krain ruchalisia praź mižnarodnyja punkty propusku, — raspavioŭ Anatol Łapo.
— Heta nanosić škodu turystyčnaj pryvabnaści Biełarusi, — zaŭvažyŭ Varaniecki.
— Ja takoha ž mierkavańnia, my sa svajho boku ŭsio robim, ale tak atrymlivajecca, — kanstatavaŭ staršynia DPK.
— MZS zajmajecca hetym pytańniem, vy viedajecie. Ale niekalki kołaŭ projdziena, i rašeńnie nie znojdziena, — dadaŭ śpikier parłamienta Uładzimir Andrejčanka.
TUT.BY pacikaviŭsia ŭ kiraŭnika DPK, čamu nielha pastavić na biełaruska-rasijskaj miažy chacia b adzin mižnarodny punkt propusku.
— My nie ličym, što jość u hetym nieabchodnaść, i stavić ź biełaruskaha boku nie źbirajemsia.
Jon pahadziŭsia z tym, što jość niazručnaść dla zamiežnikaŭ.
— My svaje damoŭlenaści vykonvajem, ale tam inšaja dziaržava, jany haspadary svajoj ziamli, — dadaŭ Anatol Łapo.
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie37
Kamientary