Vialikaja viečaryna «Dziejasłova»

U miežach kampanii «Budźma» 3 śniežnia ŭ minskim Pałacy mastactva (vuł. Kazłova, 3) adbudziecca litaraturna‑muzyčnaja viečaryna «Załaty apostraf — 2007».

U prahramie viečaryny: ušanavańnie łaŭreataŭ štohadovaj litaraturnaj premii časopisu «Dziejasłoŭ» za lepšyja publikacyi 2007 hodu, a taksama prezientacyja novych knih ź sieryi «Biblijatečka časopisu «Dziejasłoŭ».

U imprezie biaruć udzieł viadomyja biełaruskija piśmieńniki i bardy: Anatol Viarcinski, Hienadź Buraŭkin, Anatol Kudraviec, Uładzimir Niaklajeŭ, Leanid Drańko‑Majsiuk, Barys Piatrovič, Eduard Akulin, Aleś Paškievič, Siarhiej Dubaviec, Aleś Kamocki, Taciana Sapač, Halina Dubianieckaja, Taciana Biełanohaja, Andrej Chadanovič, Siarhiej Pryłucki.

Pačatak viečaryny ŭ 18 hadzin. Uvachod volny.

Uładalnikami premii za 2004 hod stali paet Aleś Piśmiankoŭ (paśmiarotna), Ludmiła Rubleŭskaja za raman «Zołata zabytych mahiłaŭ» dy małady prazaik Usievaład Ścieburaka.

«Załatym apostrafam‑2005» u naminacyi «paezija» byŭ uznaharodžany Viktar Ślinko za paemu «Žban i vada», u naminacyi «proza» lepšymi tady byli pryznany «Nervovy raman» i apaviadańnie «Chłopčyk i jaho baćki» Leanida Drańko‑Majsiuka, u naminacyi «debiut» žury adznačyła maładuju paetku Hannu Aŭčyńnikavu za padborku vieršaŭ «Serca i nieba».

Premijaj za 2006 hod u naminacyi «proza» u minułym hodzie była ŭznaharodžana Volha Ipatava za apovieść «Apošniaja achviara śviaščennaha duba», u naminacyi «paezija» premiju atrymaŭ mastak‑hrafik i paet Ryhor Sitnica za padborku vieršaŭ «I hołas Boha słuchaje duša», a ŭ naminacyi «debiut» premijaj imia Anatola Sysa była ŭznaharodžana Lizavieta‑Daminika Panamarova za nizku vieršaŭ «Kryły».

Jak paviedamlaje sajt Sajuza biełaruskich piśmieńnikaŭ, užo vyznačany naminanty na premiju «Załaty apostraf‑2007», jakaja adbudziecca 3 śniežnia. Imiony łaŭreataŭ buduć abvieščanyja na litaraturna‑muzyčnaj viečarynie «Załaty apostraf».

U naminacyi «proza» na atrymańnie premii sioleta vyłučajucca try pretendenty: Alhierd Bacharevič — za apovieść «Paśla fiejiervierku» (№ 27); Jury Stankievič — za apovieść «Partret vypusknika na fonie adlihi» (№ 26) i apaviadańnie «Kłon Če i jaho žonka» (№ 29); Kastuś Tarasaŭ — za apoviedy «Bryhitki» (№ 26) i «Niačutnyja huki samoty» (№ 30).

Za ŭznaharodu ŭ naminacyi «paezija» taksama zmahajucca try aŭtary. Heta Ludka Silnova z padborkaj vieršaŭ «Na Kalinavym moście» (№ 30); Siaržuk Sys ź nizkaj vieršaŭ «Załacisty cmok» (№ 29) i Andrej Chadanovič z padborkaj vieršaŭ «Aziornaja škoła paezii» (№ 30).

U «debiucie» naminujucca Iryna Bielskaja — za nizku vieršaŭ «Kab adahreć svaju dušu» (№ 30), Darja Lis — za apovied «Zvyčajnaja historyja» (№ 26); Natałka Charytaniuk — za apovied «Archan, Archan» (№ 27).

budzma.org, naviny.by

• 0
• 0
• 0
• 0
• 0
• 0
• 0
• 0