Žycharka Mielburna znajšła šviejnuju ihołku ŭ hrušy praź niekalki dzion paśla aryštu pieršaj padazravanaj pa spravie «ab ihołkach ŭ kłubnicach». Pra heta ŭ sieradu paviedamlaje ABC News.
Incydent adbyŭsia 13 listapada. Vizažyst Kłer Bonser ledź nie paraniłasia, kali jeła nabytuju sadavinu. «Ja prosta žavała hrušu, vypadkova pahladzieła ŭniz pierad nastupnym ukusam i ŭbačyła jaje [ihołku]», - padzialiłasia paciarpiełaja.
Dziaŭčyna paviedamiła ab svajoj znachodcy kiraŭnictvu supiermarkieta. Pradstaŭnik kramy zajaviŭ, što raźbiarecca ŭ situacyi..
U vydańni adznačyli, što taki praciah historyi pałochaje. U pryvatnaści, incydent akazaŭ vielmi niehatyŭny ŭpłyŭ na vytvorčaść kłubnic, raspaviali ŭ Asacyjacyi vytvorcaŭ kłubnic štata Kvinślend. Fiermiery byli vymušanyja źniščyć značnuju častku zapasu jahad, tak jak kramy admovilisia ich prymać.
11 listapadzie stała viadoma ab tym, što palicyja aryštavała 50-hadovuju aŭstralijku Maj Ut Trynch, jakaja padkładvała ihołki ŭ kłubnicy.
Pa viersii śledstva, zatrymanaja pracavała na adnoj ź miascovych fierm i była niezadavolenaja ŭmovami pracy, u vyniku čaho vyrašyła adpomścić pracadaŭcu i kaleham i našpihavać jahady ihołkami.
Žychary šaści štataŭ Aŭstralii pačali skardzicca na šviejnyja ihołki ŭ kłubnicach u pačatku vieraśnia. Usiaho było zafiksavana bolš za 100 padobnych vypadkaŭ. Akramia taho, niekalki razoŭ ihołki byli vyjaŭlenyja ŭ jabłykach, bananach i manha.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary