Vialikaja misija maleńkaj Jadvihi — baćki źbirajuć hrošy na zakupku knih i abstalavańnia ŭ biełaruskamoŭnuju hrupku sadka ŭ Sierabrancy
Try biełaruskamoŭnyja siamji — Mudračenki, Kaściukievičy i Bojki, doŭha sprabavali addać dzietak u biełaruskamoŭnuju hrupku. Paasobku.
Usie varyjanty takich hrupak na praktycy akazvalisia farmalna-biełaruskamoŭnymi.
Naprykancy leta 2018 hodu jany sabralisia u adnoj farmalna-biełaruskamoŭnaj hrupcy sadka №403, što ŭ Sierabrancy. Tudy chodzić 22 dzicionki. Najaŭnaść troch siemjaŭ źmianiła padychod vychavacielaŭ i zahadčycy.
Ciapier na biełaruskaj movie adbyvajecca amal 50% adukacyjnaha pracesu i kamunikacyi ŭ hrupcy. Praktyka — adna vychavacielka całkam razmaŭlaje na biełaruskaj movie, na zaniatkach abiedźvie vychavacielki ŭsie novyja słovy i paniaćci ahučvajuć na adnoj movie i adrazu pierakładajuć na inšuju.
Taki raskład akazaŭsia prymalnym dla baćkoŭ i pazytyŭna adbiŭsia na ŭsich dzieciach. Całkam biełaruskamoŭnaja Jadźviha Mudračenka pačała lepiej razumieć i kamunikavać z raniej całkam rasiejskamoŭnymi dzietkami. Apošnija pačali razumieć svaich biełaruskamoŭnych adnahrupnikaŭ u luboj sytuacyi.
Zaraz, za try miesiacy takoj praktyki, dzietki raźvivajucca u abiedźviuch movach. Pry žadańni pierachodziać na biełaruskuju ci pryhadvajuć, jak heta možna skazać pa-rusku.
Atrymany dośvied pierakonvaje, što bałans biełaruskaj movy i rasiejskaj źjaŭlajecca samym naturalnym raźviazańniem dla ŭsioj daškolnaj adukacyi Biełarusi.
Dzietki buduć upeŭniena kamunikavać ź lubym inšym biełarusam. A raźvićcio ŭ dźviuch movach ad samaha dziacinstva pazityŭna adabjecca na šyryni śvietapohladu i kreatyŭnaści myśleńnia. A heta samyja kaštoŭnyja navyki dla čałavieka ŭ 21 stahodździ.
Inicyjatyŭnyja baćki raspačali kraŭd-kampaniju ŭ padtrymku hetaj idei — bałansa movaŭ u sadkach.
Jany źbirajucca zakupić knihi i abstalavańnie, kab zamacavać ułasny pośpiech, i sabrać zacikaŭlenych baćkoŭ na Stratehičny forum, kab dapamahčy spłanavać biełaruskamoŭnaje navučańnie ich dzietak.
Kraŭd-kampanija Vialikaja misija maleńkaj Jadźvihi
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami36
Kamientary