85-hadovaja babula nabrała tavaraŭ «na veksal» na 410 rubloŭ. Kali pradaviec uziała hetyja hrošy, jaje abvinavacili ŭ rabavańni
Žychar vioski Ciałuša patelefanavaŭ u milicyju 19 studzienia. I paviedamiŭ, što ŭ jaho babki «ŭ kramie skrali hrošy»: maŭlaŭ, pradaviec załamała joj ruku i zabrała 500 rubloŭ. Supracoŭniki RAUS adrazu vyjechali na miesca.
Vyśvietliłasia, što 64-hadovy mužčyna pražyvaje razam sa svajoj 85-hadovaj sužycielkaj. Jany niaredka biaruć u kramie pradukty «na veksal» (z adterminoŭkaj), časta brali śpirtnoje. Doŭhu «nabiehła» na 410 rubloŭ. U toj dzień babula pryjšła ŭ kramu i pakazała, što ŭ jaje ŭ rukach 500 rubloŭ piensii. Pradaviec prosta ŭziała ŭ jaje z ruk 400 rubloŭ — krychu mienš za nieabchodnuju sumu. Nichto joj ruki nie vykručvaŭ i nie rabavaŭ.
Ludzi sami nie dumali, što suma doŭhu kramie vyrasła da takoj vieličyni.
Kamientary