Staŭ viadomy pieršy vypadak hibieli na vajnie žančyny, jakaja zaklučyła kantrakt ź Minabarony RF u kałonii
U kancy žniŭnia ŭ Biełharadskaj vobłaści Rasii pamierła 37-hadovaja Alena Pimanienkava — vajennasłužačaja rasijskaha šturmavoha ŭzvoda, paviedamlaje «Pieriekriestok-Info».
Siastra zahinułaj raspaviała, što Pimanienkavu, jakaja słužyła «strałkom-sanitaram», nibyta źbiła mašyna.
Alena padpisała kantrakt ź Minabarony Rasii ŭ mai, znachodziačysia ŭ žanočaj kałonii ŭ Leninhradskaj vobłaści. Žadańnie pajechać na vajnu vykazali 60 žančyn, ź jakich adabrali dziesiać — «hladzieli na artykuły i psichatyp».
Siarod ich była i Alena, jakoj da zakančeńnia terminu zastavaŭsia adzin hod.
Žančyna mieła jak minimum šeść sudzimaściaŭ, vyjavili «Važnyja historyi».
Upieršyniu jaje asudzili ŭ 23 hady — za napad na mužčynu z nažom. Zatym — za rabavańni, kradziež, paškodžańnie čužoj majomaści, pahrozy zabojstvam, naŭmysnaje pryčynieńnie lohkaha škody zdaroŭju i zhony aŭtamabilaŭ. Bolšaść złačynstvaŭ jana ździejśniła ŭ niećviarozym stanie.
Raniej «Važnyja historyi» raspaviali, što Minabarony Rasii viarbuje na vajnu va Ukrainie žančyn-źniavolenych. Tady havorka išła ab žanočaj papraŭčaj kałonii № 2 u Leninhradskaj vobłaści. U krasaviku vydańnie znajšło jašče čatyry kałonii, u jakich źniavolenych žančyn vierbavali na vajnu va Ukrainie — u Ivanaŭskaj i Uładzimirskaj abłaściach, u Piermskim krai i Mardovii. Raniej pra takuju viarboŭku paviedamlaŭ Hienštab USU.
Što prapanavać Łukašenku za palitviaźniaŭ? Sprečka Stryžaka z Chomič8
Kamientary