Namieśnik kiraŭnika MZS Biełarusi Aleh Kraŭčanka paćvierdziŭ, što Biełaruś źniała abmiežavańnie na kolkaść amierykanskich dypłamataŭ u Minsku. Pra heta dypłamat zajaviŭ, vystupajučy na panielnaj dyskusii «Atłantyčnaj rady» ŭ Vašynhtonie 31 studzienia.
— U nas niama hrafika, my jašče padychodzim da rašeńnia sumiesna z amierykanskim bokam — viarnuć pasłoŭ. Kančatkovaje rašeńnie jašče nie pryniataje. Kali budzie pryniata? Praces zojmie miesiacy, kali nie hady. Chutčej za ŭsio, hady, da taho jak my ŭbačym pasłoŭ u abiedźviuch stalicach.
Taksama Aleh Kraŭčanka paviedamiŭ, što nie vyklučaje taho, što biaźvizavy ŭjezd u Biełaruś raspaŭsiudzicca i na naziemnyja miežy. Adnak, jak adznačyŭ dypłamat, heta taksama doŭhi praces.
— Spadziajusia, što heta adbudziecca raniej, čym paźniej, — zaŭvažyŭ pradstaŭnik MZS.
Nahadajem, 11 studzienia amierykanski časopis Foreign Policy paviedamiŭ, što kiraŭnik MZS Biełarusi Uładzimir Makiej 10 studzienia apaviaściŭ Vašynhton pra źniaćcie abmiežavańniaŭ na kolkaść amierykanskich dypłamataŭ u Minsku.
Kamientary