Akruhovy sud Kijeva časova zabaraniŭ Uljanie Suprun vykonvać abaviazki ministra achovy zdaroŭja z-za taho, što jana maje padvojnaje hramadzianstva i bolš za miesiac źjaŭlajecca vykonvajučaj abaviazki. Takim čynam sud zadavoliŭ pazoŭ deputata «Radykalnaj partyi» Ihara Masijčuka.
«Sud uličyŭ dovady pazoŭnika ab tym, što ŭ 2015 hodzie Suprun Uljana Nadzieja atrymała hramadzianstva Ukrainy i adnačasova da hetaha času znachodzicca ŭ zamiežnym hramadzianstvie (hramadzianstva ZŠA), u toj čas jak u adpaviednaści z Zakonam Ukrainy «Ab hramadzianstvie Ukrainy» va Ukrainie isnuje adzinaje hramadzianstva», — havorycca ŭ paviedamleńni.
U svaju čarhu kabiniet ministraŭ i prezident krainy Parašenka stali na bok Suprun.
Pa słovach Parašenki, jon całkam padtrymlivaje Suprun.
«Spadarynia Suprun maje poŭnuju padtrymku prezidenta Ukrainy. Caniu, što my razam zrabili dla miedycynskaj reformy, u tym liku, reformy sielskaj miedycyny. Hramadzianstva — heta adkaznaść prezidenta», — zajaviŭ Parašenka.
Parašenka dadaŭ, što refarmavany Viarchoŭny Sud znojdzie praŭdu ŭ hetaj historyi.
Suprun naradziłasia ŭ ZŠA ŭ siamji vychadcaŭ z Ukrainy. U 2015 hodzie Parašenka daŭ joj ŭkrainskaje hramadzianstva, a z 2016 hoda jana vykonvała abaviazki ministra achovy zdaroŭja Ukrainy. Suprun viadomaja va Ukrainie jak adzin z samych radykalnych i rašučych refarmataraŭ u kabiniecie ministraŭ.
«Bolš za ŭsio paskudstvaŭ pryčyniaje jaŭrejonyš». Dziciačaja doktarka ź Minska šakavała antysiemickimi vykazvańniami36
Kamientary