Ranicaj 11 lutaha vučań 10 «B» kłasa škoły №2 rajcentra Stoŭbcy (Minskaja vobłaść) Vadzim M. pryjšoŭ u škołu z nažom i zabiŭ dvaich čałaviek.
Pryjšoŭ u škołu chłopiec zahadzia, prykładna a 7.40. A dziejničać pačaŭ prykładna za 5 chvilin da ŭroka.
«Pavodle papiarednich źviestak, padazravany ŭ napadzie vučań 10-ha kłasa pryjšoŭ u škołu kala 7.40. Jon pastaviŭ partfiel i vyjšaŭ z kabinieta. Potym viarnuŭsia i napaŭ na nastaŭnicu historyi, jakaja pavinna była vieści pieršy ŭrok. Za piedahoha pasprabavali ŭstupicca dva adnakłaśniki. Jany atrymali ranieńni. Paśla hetaha padazravany vybieh z kłasa, i zajšoŭ u susiedni kabiniet, dzie napaŭ na vučnia 11-ha kłasa. 17-hadovy školnik u vyniku napadu zahinuŭ», — paviedamiŭ aficyjny pradstaŭnik Śledčaha kamiteta Siarhiej Kabakovič.
Kažuć, Vadzim M. celiŭ svaim achviaram u horła. Padletki stali raźbiahacca, pačałasia panika, niekatoryja papadali na padłohu. Dvuch čałaviek Vadzim paraniŭ u klučycu, jašče dvaim trapiŭ u šyju. Potym źbieh: vyskačyŭ praz akno ź pieršaha paviercha.
Adzin z paranienych, vučań 11-ha kłasa Alaksandr R., pamior.
Zatrymali Vadzima prykładna praź dźvie hadziny, paśla taho jak milicyja ačapiła i pračasała rajcentr. Kažuć, chłopiec chavaŭsia ŭ adnym z padjezdaŭ.
Na pytańnie pra pryčyny zdareńnia pakul što nichto nie moža adkazać. Vadzima charaktaryzujuć jak zvyčajnaha chłopca, sa zvyčajnaj siamji.
Maryna Parchimovič vykładała historyju i hieahrafiju, joj było 53 hady. Jana pamierła.
Na miesca zdareńnia pryjechaŭ kiraŭnik Śledčaha kamiteta Ivan Naskievič.
Dziesiacikłaśnik napaŭ z nažom na nastaŭnicu i adnakłaśnikaŭ, dvoje zahinuli
«Celiŭ u horła»: stali viadomyja padrabiaznaści zdareńnia ŭ Stoŭbcach, dzie školnik zarezaŭ nastaŭnicu i vučnia
Što było na staroncy Ukantakcie ŭ chłopca, jaki zabiŭ nastaŭnicu
Svajaki chłopca, jakoha parezaŭ adnakłaśnik u Stoŭbcach, raspaviali pra jaho stan
«Naohuł nie ŭmieŭ złavacca». Što viadoma pra napadnika i jaho zatrymańnie
«Nu što jamu narabiłasia? Hetyja biednyja dzietki sami ŭsio starajucca». Rodnaja napadnika sa Stoŭbcaŭ raskazała pra jahonuju siamju
«Dla Kijeva było b lepš, kab Biełarusi nie isnavała naohuł». Vialikaja razmova z ukrainskim palitołaham Jaŭhienam Mahdam8
Kamientary