Byłyja palitźniavolenyja ličać akcyi pradprymalnikaŭ hałoŭnaj padziejaj hoda
Mierkavańni Andreja Kima, Alaksandra Barazienki, Siarhieja Parsiukieviča.
Byłyja palitźniavolenyja, asudžanyja pa "spravie čatyrnaccaci", ličać akcyi pratestu pradprymalnikaŭ u Minsku hałoŭnaj padziejaj 2008 hoda.
"Dla mianie samaj važnaj padziejaj stali akcyi pradprymalnikaŭ u pačatku hetaha hoda. U ich brali ŭdzieł novyja ludzi, a sami akcyi byli vielmi paśpiachovymi", — zajaviŭ BiełaPAN adzin ź fihurantaŭ spravy Andrej Kim.
Pavodle jaho słoŭ, vyzvaleńnie palitźniavolenych nie źjaŭlajecca hałoŭnym faktaram libieralizacyi. "Heta kaśmietyčnaja libieralizacyja, zaŭtra ŭ nas znoŭ mohuć źjavicca palityčnyja źniavolenyja. Adnak źjavilisia ludzi, jakija mohuć stać ruchavikom niejkich stanoŭčych pracesaŭ", — skazaŭ A.Kim.
"Mianie pryjemna ździviła akcyja pradprymalnikaŭ 10 studzienia, — zaznačyŭ jašče adzin fihurant hetaj spravy Alaksandr Barazienka.— Ja nie čakaŭ, što hetyja ludzi, hety sacyjalny słoj, zmoža nastolki ŭźniacca, prajavić takuju salidarnaść i nastolki adkryta i biasstrašna vystupić".
"Astatnija ŭražańni ad hoda chutčej admoŭnyja — spačatku termin "na sutkach", potym kryminalny praces. Ale stanoŭčy momant u hetym jość — ja ŭsio-taki znajšoŭ u sabie śmiełaść viarnucca ŭ Biełaruś i prajavić takim čynam salidarnaść sa svaimi siabrami, navat adsiedzieŭšy ŭ turmie. Heta było vielmi ciažkaje rašeńnie, ale ja da jaho ŭsio-taki pryjšoŭ", — skazaŭ A.Barazienka.
Dla pradprymalnika Siarhieja Parsiukieviča samaj jarkaj padziejaj 2008 hoda taksama stali akcyi pratestu pradprymalnikaŭ. "Jany pakazali, što Łukašenka ŭžo nie moža trymać krainu. Hrošy šukać usio ciažej — apošnija padziei z atrymańniem kredytaŭ heta pakazali nahladna. Davodzicca davać mienš hrošaj na ŭtrymańnie svaich čynoŭnikaŭ — a heta taksama vyklikaje niezadavolenaść. Zastałosia jašče kryšku — i pytańnie vyrašycca", — ličyć S.Parsiukievič.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek19
Kamientary