Madel plus-sajz Jaŭhienija Ciulenieva aburanaja: jaje nie puścili ŭ kaviarniu z sabakam
«U piceryi na Kastryčnickaj nam skazali: «Z sabakami, na žal, nielha». I heta byŭ pieršy raz, kali nam admovili!», — raskazvaje Jaŭhienija Ciulenieva.
Sabaka ŭ Jaŭhienii parody hryfon, jon maleńki. I kali supravadžaje haspadyniu, zaŭsiody siadzić na rukach.
«Ja zaŭsiody źviartaju ŭvahu na toje, ci visić pry ŭvachodzie ŭ kaviarniu tablička: «Z sabakami zabaroniena», — praciahvaje Jaŭhienija, — i navat, kali znak visić, z sabakam na rukach mianie puskali. U niekatorych kaviarniach navat misku dla jaho staviać».
Hetu historyju Jaŭhienija Ciulenieva vykłała ŭ fejsbuk, dzie pačałosia abmierkavańnie, ci varta ŭsio ž brać z saboj sabak.
U biełaruskim zakanadaŭstvie niama naŭprostavaj zabarony prychodzić u kaviarni sa svaimi hadavancami. Hetyja praviła zvyčajna vyznačajuć niepasredna ŭ samich kaviarniach.
«U Minsku nasamreč šmat tak zvanych dog-friendly ŭstanoŭ. Tak što heta nie prablema. Ja tolki nie razumieju, čym maleńki sabaka moža pieraškodzić?» — pytajecca Jaŭhienija Ciulenieva.
Apytanka
Ciapier čytajuć
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary