Lizavieta II zhadziłasia bolš nie siadać za styrno padčas pajezdak pa zvyčajnych darohach
Karaleva Vialikabrytanii Lizavieta II bolš nie budzie kiravać aŭtamabilem na darohach ahulnaha karystańnia. Takoje rašeńnie jana pryniała praz dva miesiacy paśla avaryi z udziełam jaje muža.

Admovicca ad mahčymaści kiravać aŭtamabilem karaleva vyrašyła paśla ŭhavoraŭ ułasnaj słužby biaśpieki, paviedamlaje Sunday Times. Ciapier pry vyjeździe na darohi ahulnaha karystańnia za rulom budzie abaviazkova znachodzicca jaje šafior.
92-hadovaja Lizavieta II źjaŭlajecca adzinym čałaviekam u Vialikabrytanii, kamu dazvolena siadać za styrno biez pravoŭ. Karaleva ŭ suviazi z hetym nie admoviła sabie ŭ mahčymaści prakacicca za rulom Jaguar, Land Rover, Range Rover.
Adnak na jaje rašeńnie paŭpłyvaŭ incydent z 97-hadovym mužam — hiercaham Edynburhskim Filipam. U studzieni jon patrapiŭ u avaryju, byŭšy niepryšpilenym. Prync nie paciarpieŭ, adnak paśla atrymanaha ad palicyi papiaredžańnia pahadziŭsia dobraachvotna zdać svaje pravy kiroŭcy.
Kamientary