Mir
10–11 červienia ŭ Miry (Karelicki rajon) projdzie IV biełaruski festyval mastactvaŭ «Mirski zamak – 2006». Adbudziecca kancert staradaŭniaj muzyki «Muzyčnyja skarby Haradzienskaha kraju». Projdzie vystava mastakoŭ Hara-dzienščyny, rycarski turnir. Nacyjanalny kancertny arkiestarprezentuje novy prajekt – «Dyjaloh supraćlehłaściaŭ: džaz – charavaja klasyka».
Navahradak
1–3 lipienia ŭ Navahradku adbudziecca IV Fest siaredniaviečnaj kultury «Navahradzki zamak – 2006». Arhanizuje festyval Navahradzki rajvykankam. Maje adbycca rycarski turnir, na jaki tradycyjna źbirajecca rycarstva ź Biełarusi dy susiednich krainaŭ, a taksama vystupy ajčynnych dy zamiežnych hurtoŭ, što vykonvajuć staradaŭniuju muzyku.
Lida
1 lipienia ŭ Lidzie adbudziecca śviata piva. U prahramie – konkursy, dziciačyja atrakcyjony, vystupy zorak biełaruskaj estrady. Lidzki brovar prapanuje ŭvieś asartyment svajoj pradukcyi. Amatary piva zmohuć pačastavacca ŭsimi hatunkami lidzkaha burštynavaha napoju, siarod jakich budzie j mienavanaje ŭ narodzie «Zośkaj» niefiltravanaje piva.
26–27 žniŭnia projdzie štohadovy festyval «Zamak Hiedymina». Udzieł prymajuć rycarskija kluby ź Biełarusi, Polščy, Litvy i Rasiei.
Vypraŭlacca ŭ Mir, Navahradak i Lidu možna z Centralnaha aŭtavakzału ŭ Miensku, adkul u hetym kirunku štodzień chodziać aŭtobusy i maršrutki.
SP
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary