Sioleta pieršynstvo krainy pa šaškach-64 sabrała dosyć mocny skład, darma što da Pałacu šachmat i šašak «nie dajechali» čempijony Haradzienščyny i Mienskaj vobłaści. Planavałasia, što ŭdzieł u hulniach voźmuć dvanaccać čałaviek, adnak 21–29 traŭnia za doški sieli tolki dziasiaciera. Ź ich – dva hrosmajstry, piać majstroŭ roznaha ranhu, try kandydaty ŭ majstry.
Sioleta pieršynstvo krainy pa šaškach-64 sabrała dosyć mocny skład, darma što da Pałacu šachmat i šašak «nie dajechali» čempijony Haradzienščyny i Mienskaj vobłaści. Planavałasia, što ŭdzieł u hulniach voźmuć dvanaccać čałaviek, adnak 21–29 traŭnia za doški sieli tolki dziasiaciera. Ź ich – dva hrosmajstry, piać majstroŭ roznaha ranhu, try kandydaty ŭ majstry.
Napačatku napierad vyrvaŭsia Ihar Michalčanka – vice-čempijon planety siarod junijoraŭ. Ale na siaredzinie turniru maładoha metra dahnali i pierahnali bolš daśviedčanyja, tearetyčna padrychtavanyja Jaŭhien Kandračenka, Andrej Valuk i Arkadź Płakchin. «Michalčanka – nie bajec, – acaniŭ jahony vystup hałoŭny sudździa Vital Varušyła. – Jon rabiŭ zašmat karotkich ničyich».
U šaškach, asabliva ŭ «ruskaj» versii, adnosna lohka zachavać adryŭ na finišy. Nazvanaja trojka apanavała pjedestał. 27-hadovy naftazdabytčyk z Homielu Jaŭhien Kandračenka nia tolki zachavaŭ čempijonski tytuł, ale i pieravykanaŭ normu mižnarodnaha majstra.
Z kandydataŭ najlepš vystupiŭ žychar Pastavaŭ Ivan Trocki – 8-je miesca. A na radzimie, u čas papularnaha «švajcarskaha» turniru «Pastaŭskaja viasna–2006», sp.Ivan na roŭnych kankuravaŭ ź Ja.Kandračenkam i A.Płakchinym…
«Čempijanat Biełarusi lohkim nie nazavieš. Šašysty – ludzi sa svaimi ambicyjami, pohladami na žyćcio», – skazaŭ V.Varušyła karespandentu «NN». Ad padrabiaznaściaŭ arbitar ustrymaŭsia.
VR
Jak by vy zhulali
I.Hajdukievič – Ja.Kandračenka. Pastavy, 2006. Chod čornych.
Adkaz: 1…sd6! 2. ac7 hg3 3. fh2 db4 4. cd8 ef6 5. dg5 bc3. U čornych pieravaha, dastatkovaja dla pieramohi.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie9
Kamientary