60% pracentaŭ ad ahulnaj kolkaści suicydaŭ ździejśniena ŭ pjanym stanie.
U 2008 hodzie ŭ Biełarusi było zafiksavana 2800 samazabojstvaŭ, pra heta ŭ sieradu na pres‑kanfierencyi paviedamiŭ hienieralny prakuror Ryhor Vasilevič. 60% pracentaŭ ad ahulnaj kolkaści suicydaŭ ździejśniena ŭ pjanym stanie.
Biełaruś zajmaje adno ź viadučych miescaŭ u śviecie pa kolkaści samahubstvaŭ na dušu nasielnictva. Da prykładu ŭ pažarach letaś zahinuła tolki kala tysiačy čałaviek.
Apošnim časam nazirajecca źmianšeńnie kolkaści zabojstvaŭ. U 2008 u krainie ich było 645, u 2006 — 961. Razam z tym, Vasilevič kaža, što da ŭzroŭni 1985 hodu jašče nie daciahvaje, chacia pazityŭnaja tendencyja i nazirajecca. Na viaskach na 10 tysiač čałaviek nasielnictva zabojstvy zdarajucca ŭ try z pałovaj razy čaściej, čym u haradach.
Siarod samych kryminahiennych rajonaŭ krainy Hienieralny prakuror nazvaŭ — Babrujski, Viciebski, Puchavicki, Brescki, Aršanski. U nievialikim Krupskim rajonie letaś było ažno siem zabojstvaŭ.
Siarod ministerstvaŭ najbolej karupcyjnych złačynstvaŭ było ŭ Ministerstvie pramysłovaści, zatym iduć sielskaj haspadarki i handlu.
Ahulnaja kolkaść złačynstvaŭ letaś skłała 158 tysiač. 37% ź ich byli ździejśnienyja ŭ stanie apjanieńnia. Zrešty, i tut nazirajecca stanoŭčaja dynamika. U 2006 ich było 191 tysiača.
Ciapier čytajuć
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary