Fakty nieefiektyŭnaha vykarystańnia biudžetnych srodkaŭ vyjaŭleny na Navahrudskim masłarobnym kambinacie. Šerah słužbovych asob buduć pryciahnuty da administracyjnaj adkaznaści, paviedamili karespandentu BIEŁTA u analityčnym centry Kamiteta dziaržaŭnaha kantrolu Hrodzienskaj vobłaści.
Pavodle infarmacyi KDK, niekalki hadoŭ zapar navahrudskaje pradpryjemstva atrymlivała finansavuju dapamohu dla stabilizacyi ekanamičnaha stanovišča i raźvićcia vytvorčaści ŭ vyhladzie biudžetnych pazyk i lhotnych kredytaŭ, adnak u poŭnaj miery ich u biudžet nie viartała. Zapazyčanaść pa siami biudžetnych pazykach pa stanu na kaniec 2008 hoda składała bolš jak $400 tys., kala 580 tys. jeŭra i zvyš Br5,5 młrd. Pa troch pazykach, vydadzienych kambinatu ŭ 2003 i 2006 hadach, zvarotnyja płaciažy ŭ biudžet naohuł nie pravodzilisia. Pry hetym u 2005 i 2006 hadach finansavaje ŭpraŭleńnie abłvykankama vydzieliła pradpryjemstvu novyja pazyki.
Ahulnaja suma zapazyčanaści pa kredytach, atrymanych pad harantyi ŭrada, Hrodzienskaha abłvykankama i Navahrudskaha rajvykankama, składaje ciapier kala Br40 młrd. 59 młn. rasijskich rubloŭ, amal 540 tys. jeŭra i $3,5 młn., zapazyčanaść pa lizinhavych płaciažach za abstalavańnie - zvyš Br2 młrd.
U chodzie pravierki vyśvietliłasia, što va ŭmovach vostraha niedachopu ŭłasnych abarotnych srodkaŭ atrymanyja biudžetnyja hrošy kiraŭnictvam kambinata raschodavalisia nie pa pryznačeńniu. Bolš jak Br1,2 młrd. było zatračana na kapitalny i biahučy ramonty administracyjnaha budynka z vykarystańniem darahich budmateryjałaŭ, bolš jak Br650 młn. - na nabyćcio lehkavych aŭtamabilaŭ, kandycyjanieraŭ, bytavych chaładzilnikaŭ, ofisnaj mebli, arhtechniki, darahich mabilnych telefonaŭ, pradmietaŭ interjera. Niepłaciežazdolny kambinat sam akazvaŭ sponsarskuju dapamohu, vydavaŭ rabotnikam pazyki, rehularna vypłačvaŭ premii i ŭznaharodžańni.
Infarmacyja pa vynikach pravierki pieradadziena ŭ Hrodzienski abłvykankam dla pryniaćcia mier i pryciahnieńnia słužbovych asob da dyscyplinarnaj i materyjalnaj adkaznaści.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ7
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary