U Italii rasśledujuć mahčymyja karupcyjnyja suviazi «Lihi Poŭnačy» Matea Salvini z Kramlom
Prakuratura Miłana pravodzić rasśledavańnie mahčymaj karupcyjnaj schiemy z udziełam pradstaŭnikoŭ italjanskaj partyi «Liha Poŭnačy» i Kramla.
U čaćvier u presie znoŭ źjaviłasia infarmacyja, što kiraŭnictva «Lihi» mahło raźličvać na šmatmiljonnaje finansavańnie z boku Rasii ŭ abmien na dapamohu ŭ łabijavańni naftavaha pahadnieńnia.
Padazreńni ŭ zmovie hučali jašče ŭ lutym hetaha hoda, kali časopis L'Espresso paviedamiŭ, što pradstaŭniki «Lihi» ŭ kastryčniku minułaha hoda praviali pieramovy z rasiejcami ŭ maskoŭskaj haścinicy «Mietrapol».
Pavodle infarmacyi ahienctva Reuters i italjanskich ŚMI, pravaachoŭnyja orhany Italii zacikavilisia hetaj historyjaj jašče ŭ lutym, adrazu paśla publikacyi ŭ L'Espresso, tady ž i pačałosia aficyjnaje rasśledavańnie.
Pavodle krynic Reuters, prakuratury było viadoma pra isnavańnie aŭdyjozapisu zadoŭha da taho, jak Buzzfeed jaho apublikavaŭ. U ramkach rasśledavańnia, pavodle telekanała Rai News, užo dapytali niekalki čałaviek.
Zakon Italii zabaraniaje finansavuju padtrymku palityčnych partyj z-za miažy. Lidary apazicyjnaj Demakratyčnaj partyi zapatrabavali ad Matea Salvini adkazać u parłamiencie na abvinavačvańni ŭ karupcyi.
«Liha Poŭnačy» — pravaja partyja, jana była zasnavana 20 hadoŭ tamu. Partyja vystupaje za niezaležnaść paŭnočnych pravincyj Italii i stvareńnie dziaržavy Padanija sa stalicaj u Miłanie.
Ciapier čytajuć
«A 4‑j hadzinie nočy my zrazumieli, što sierviery prosta vyčyščanyja». Jarasłaŭ Ivaniuk raskazaŭ padrabiaznaści pra ataku na anłajn-biblijateku «Kamunikat»1111
Kamientary